"მილანის" თავდამსხმელმა ზლატან იბრაჰიმოვიჩმა განაცხადა, რომ 20-გზის გრანდ სლემის გამარჯვებული ნოვაკ ჯოკოვიჩი მის თავს ახსენებს.
"პირველ რიგში, ის ბალკანელივით ფიქრობს. როდესაც ფეთქდები, ყველაფერი კარგად მიდის; როდესაც ბრაზდები, საუკეთესოს იღებ, რადგან უფრო მეტად ფოკუსირდები საქმეზე.
როცა ნოლე თამაშისას ბრაზდება, მაქსიმუმს იღებს. ასეა ჩემს შემთხვევაშიც. შემიძლია გითხრათ, რომ ის იდეალური ათლეტია. გამოცდილების დაგროვებასთან ერთად ადამიანი მენტალურად იზრდება", - ციტირებს ზლატანის სიტყვებს Milan News 24.
ჯოკოვიჩი 2021 წლის ინდიან უელსის ტურნირს გამოტოვებს (7 ოქტომბერს იწყება). ჩოგბურთელი ამერიკის ღია პირველობის შემდეგ ძალების აღდგენითა და
გამოჯანმრთელებით დაკავდება. შეგახსენებთ, სერბმა US OPEN-ის ფინალური მატჩი დანილ მედვედევთან (4:6 4:6 4:6) დათმო.
აქედან გამომდინარე, 2000 წლის შემდეგ ეს პირველი დიდი ტურნირი იქნება, რომელშიც მონაწილეობას დიდი სამეულის არც ერთი ჩოგბურთელი არ მიიღებს.
მომზადებულია Championat-ის მიხედვით
ზლატანი: ვქურდობდი, რადგან ეს გადარჩენი გზა იყო...
![ევროპა ლიგა. 1/4-ფინალი: შოკირებული "ენფილდი", "ბაიერის" მორიგი გამარჯვება და "რომას" მიერ ძლეული "მილანი" [VIDEO]](/pictures/image7/9d0bb1fd87cdcd129cf6b08e80b4b6e0.jpg "ევროპა ლიგა. 1/4-ფინალი: შოკირებული \"ენფილდი\", \"ბაიერის\" მორიგი გამარჯვება და \"რომას\" მიერ ძლეული \"მილანი\" [VIDEO]")
