უხვგოლიანი მატჩი ბერგამოში და "იუვენტუსის" დამაჯერებელი გამარჯვება [VIDEO]

AutoSharing Option
გუშინ, 30 ნოემბერს, იტალიის სერია A-ს მე-15 ტურის შეხვედრები გაიმართა.

"ატალანტამ" "ვენეციას" უმასპინძლა და 4:0 დაამარცხა.

ბერგამოელების რიგებიდან ჰეთ-თრიკი მარიო პაშალიჩმა შეასრულა. ხორვატმა ფორვარდმა თავი მე-7, მე-12 და 67-ე წუთებზე გამოიჩინა, ერთი გოლი კი ტონ კოოპმაინერსის (57) ანგარიშზეა.

ამრიგად, ლომბარდიელები 31 ქულით მე-4 ადგილზე იმყოფებიან, მომდევნო შეხვედრას კი 4 დეკემბერს, "ნაპოლის" წინააღმდეგ გამართავენ.

"ვენეცია" 15 ქულით მე-16 პოზიციას იკავებს, შემდეგ მატჩს 5 დეკემბერს, "ჰელას ვერონას" პირისპირ ჩაატარებს.


ტურინის "იუვენტუსი" "სალერნიტანას" ესტუმრა და 2:0 დაამარცხა.

ანგარიში პაულო
დიბალამ 21-ე წუთზე გახსნა, საბოლოო ანგარიში კი ალვარო მორატამ 70-ე წუთზე დააფიქსირა.

აღსანიშნავია, რომ პაულოს დუბლის შესრულების შანსი 90+5 წუთზე მიეცა, თუმცა არგენტინელმა პენალტის გამოყენება ვერ მოახერხა.

"ბიანკონერი" 15 ტურის თავზე 24 ქულით მე-6 ადგილზე იმყოფება, მომდევნო შეხვედრას კი 5 დეკემბერს, "ჯენოას" პირისპირ ჩაატარებს.

"სალერნიტანა" 8 ქულით ბოლო, მე-20 პოზიციას იკავებს, შემდეგ ტურის მატჩს კი 4 დეკემბერს, "მილანის" წინააღმდეგ გამართავს.


სხვა შეხვედრები:

"ფიორენტინა" - "სამპდორია" - 3:1

"ჰელას ვერონა" - "კალიარი" - 0:0

მკითხველის კომენტარები / 0 /
კომენტარი ჯერ არ გაკეთებულა.

სიახლეები პოპულარული