იტალიის სერია A-ს მე-16 ტურში "ვენეციამ" "ჰელას ვერონას" უმასპინძლა. შეხვედრა სტუმართა გამარჯვებით, 4:3 დასრულდა.
მასპინძლებმა პირველი ტაიმი სამბურთიანი უპირატესობით მოიგეს. გოლები პიეტრო ცეცარონიმ (12), დომენ კრნიგოიმ (19) და ტომას ენრიმ (27) გაიტანეს.
მეორე ნახევრიდან კი ყველაფერი თავდაყირა დატრიალდა, "ვერონას" შეგირდები ძალიან გააქტიურდნენ და 4 გოლის გატანა მოახერხეს. მივყვეთ თანმიმდევრობით:
52-ე წუთზე ტომას ენრიმ გოლი საკუთარ კარშიც გაიტანა. 65-ე წუთზე ჯანლუკა კაპრარიმ პენალტის ნიშნულიდან სხვაობა 1-მდე შეამცირა.
67-ე წუთზე ჯოვანი სიმეონემ წონასწორობა აღადგინა, გამარჯვების მომტანი გოლი კი იმავე სიმეონემ 85-ე წუთზე
გაიტანა.
ასე და ამგვარად, "ვერონა" 23 ქულით მე-10 პოზიციას იკავებს, მომდევნო შეხვედრას კი 12 დეკემბერს, "ატალანტას" წინააღმდეგ გამართავს.
"ვენეცია" 15 ქულით მე-16 ადგილზე იმყოფება, შემდეგი ტურის მატჩს კი 11 დეკემბერს, "იუვენტუსის" პირისპირ ჩაატარებს.
"იუვენტუსმა" "ჯენოას" უმასპინძლა და 2:0 დაამარცხა.
მე-9 წუთზე ანგარიში ხუან კუადრადომ გახსნა, მეორე გოლი კი პაულო დიბალამ 82-ე წუთზე გაიტანა და "ბებერ ქალბატონს" მორიგი გამარჯვება გაუფორმა.
ამრიგად, "ბიანკონერი" 27 ქულით მე-5 ადგილზე იმყოფება, შემდეგ ტურში (11 დეკემბერს) კი "ვენეციას" ესტუმრება.
"ჯენოა" 10 ქულით მე-18 პოზიციას იკავებს, მომდევნო მატჩს კი 10 დეკემბერს, "სამპდორიას" პირისპირ გამართავს.
![alt](/pictures/image50/018e5aee11524109b17d94347283dc77.jpg ""ვერონას" წარმოუდგენელი ქამბექი და "იუვენტუსის" მშვიდი მოგება [VIDEO]")
"ინტერმა" "რომას" კუთხურიდან გაუტანა - მოურინიო ისევ ბრაზობს
