გუშინ, 19 აპრილს, იტალიის თასის ნახევარფინალური ეტაპის განმეორებით შეხვედრაში, "ინტერმა" "ჯუზეპე მეაცაზე" "მილანს" უმასპინძლა და 3:0 დაამარცხა.
მასპინძლებმა პირველი ტაიმი ლაუტარო მარტინესის დუბლის წყალობით მოიგეს, არგენტინელმა ფორვარდმა თავი მე-4 და მე-40 წუთებზე გამოიჩინა.
საბოლოო ანგარიში რობინ გოსენსიმ 82-ე წუთზე დააფიქსირა.
ამრიგად, "ნერაძური" კოპა იტალიის ფინალში გავიდა, სადაც "იუვენტუსსა" და "ფიორენტინას" შორის გამარჯვებულს შეხვდება. შეგახსენებთ, "ბიანკონერისა" და "იების" დაპირისპირება 1:0 დასრულდა. ხსენებული მატჩი დღეს, 20 აპრილს, თბილისის დროით 23:00 საათზე გაიმართება.
