"ნაპოლის" სპორტულმა დირექტორმა კრისტიანო ჯუნტოლიმ კრიშტიანო რონალდოს შესაძლო ტრანსფერზე გააკეთა კომენტარი. როგორც ის ამბობს, პორტუგალიელი ვარსკვლავი იტალიურ კლუბში არ გადავა:
"რონალდო არაჩვეულებრივი ფეხბურთელია, რომელიც ძალიან ბევრ კომპლიმენტს იმსახურებს, მაგრამ მედიაში გავრცელებული ინფორმაცია, რომ ჩვენ მისდამი ინტერესი გვქონდა, სიცრუეა", - ამბობს ჯუნტოლი.
აქვე გეტყვით, რომ "იუნაიტედის" მთავარმა მწვრთნელმა ერიკ ტენ ჰაგმა გუშინ თქვა, რომ კრიშტიანო მინიმუმ იანვრამდე "ოლდ ტრაფორდზე" დარჩება.
