"აიაქსისა" და "ნაპოლის" ყოფილმა ფეხბურთელმა რუდ კროლმა განაცხადა, რომ ამ მომენტისთვის ევროპაში "ნაპოლიზე" უკეთეს ფეხბურთს არც ერთი არ თამაშობს.
შეგახსენებთ, ეს გუნდები დღეს, 4 ოქტომბერს, ჩემპიონთა ლიგის მე-3 ტურში ერთმანეთს დაუპირისპირდებიან.
"ეს ამაღელვებელი მატჩი იქნება. ცხადია, იოჰან კრუიფის სახელობის სტადიონზე ვიქნები, თუმცა არ მკითხოთ, მხარს რომელს დავუჭერ. ვაპირებ თამაშს ნეიტრალური გულშემატკივრის სტატუსით ვუყურო. სიმართლე გითხრათ, როდესაც საქმე ამსტერდამულ გუნდს ეხება, მსგავსი რამ ხშირად არ ხდება.
მომწონს "პარტენოპეი", ისინი ყოველკვირეულად თავიანთ სიმტკიცეს ამტკიცებენ, რაც ამ ზაფხულს გაკეთებული ტრანსფერებიდან რთულად დასანახი იყო.
ვუყურებ სერია A-ს თამაშებს, სხვა ჩემპიონატებსაც და შემიძლია გითხრათ, რომ დღეს "ნაპოლიზე" უკეთეს ფეხბურთს ევროპაში არც ერთი გუნდი არ თამაშობს. წარსულში მათი ყურება საინტერესო იყო, დღეს კი რაღაც განსაკუთრებულია. მსგავსი გამარჯვებულის მენტალიტეტი ჯერ არ მინახავს" - განუცხადა კროლმა La Gazzetta dello Sport-ს.
შეგახსენებთ, იტალიური კლუბი ჩემპიონთა ლიგის A ჯგუფს 2-დან 2 მოგებული შეხვედრით ლიდერობს, საკუთარი ქვეყნის ჩემპიონატში კი ბერგამოს "ატალანტასთან" ერთად პირველ-მეორე ადგილს იყოფს (გატანილი და გაშვებული გოლების უკეთესი სხვაობით ლუჩანო სპალეტის გუნდი პირველ პოზიციაზეა).
მომზადებულია tribalfootball-ის მიხედვით
![alt](/pictures/image50/82f136712aca5d112119cf751e41834b.png ""ადრე მათი თამაშის ყურება საინტერესო იყო, დღეს რაღაც განსაკუთერბულია, მათზე უკეთ ევროპაში ვერავინ თამაშობს" - "ნაპოლისა" და "აიაქსის" ყოფილი ფეხბურთელი")
ხვიჩა ამსტერდამში, ცენტრალური მატჩი მილანში - ჩემპიონთა ლიგა ბრუნდება 
![კვლავ ფორმაშია! - შოთა არველაძემ მადრიდის "რეალს" გაუტანა [VIDEO]](/pictures/image7/2d1f3aeb1efc7b85ecbdcc72c2873bff.png "კვლავ ფორმაშია! - შოთა არველაძემ მადრიდის \"რეალს\" გაუტანა [VIDEO]")
ამიტომ: ფორცა ხვიჩა, კვარა კოჩი, შენ ხარ ქართველების ყოჩი!