დღეს "ნაპოლი" "რომას" უმასპინძლებს. ნეაპოლელთა გუნდის თავკაცმა ლუჩანო სპალეტიმ მომავალი მატჩის შესახებ ისაუბრა:
"სერიოზული თამაში გველის, რომლითაც შეიძლება როგორც ტაქტიკურად, ასევე ინდივიდუალურად სიამოვნება მიიღო. სამი ქულა ყოველთვის მონაპოვარია. ჩვენ სხვა გუნდების შედეგებზე დამოკიდებული არ ვართ. მუდამ ერთნაირად უნდა მოვიქცეთ და ყოველდღიურ მუშაობაზე ვიფიქროთ.
ველი პრაქტიკულ და სწორხაზოვან "რომას". მოურინიოს ეხერხება აუხსნას თავის გუნდს, რა უნდა აკეთონ თამაშისას. ტექნიკური ფეხბურთელები ჰყავს და არასოდეს არ უნდა ვიფიქროთ, რომ გამარჯვება უკვე ჩვენს ხელთაა. სკუდეტოს შანსები? ახლა ამაზე ლაპარაკის დრო არაა. არ შემიძლია დავითვალო,
რამდენი ქულა გვჭირდება ვადამდე გამარჯვების მოსაპოვებლად. მათემატიკაში ცუდად ვერკვევი და შემიძლია მხოლოდ მარტივი გამოთვლები გავაკეთო: თუ მოვიგებთ, 53 ქულა გვექნება.
"რომა" კარგად განსწავლული გუნდია, რომელიც თავის შესაძლებლობებს შესანიშნავად იყენებს, მათ შორის სტნდარტულებისას. ამაში ეხმარება როგორც ფიზიკური მომზადება, ასევე ჟოზე მოურინიო. ის ჩვენ გვიცნობს და ჩვენ მისი და მისი გუნდის მახასიათებლები ვიცით. ოსტატობის გამოვლინება გვმართებს.
გუნდში ჭკვიანი ბიჭები მყავს, რომლებიც სწორად განკარგავენ თორმეტქულიან უპირატესობას. ყურადღების მოდუნების და საკუთარი თავის მიმართ მოთხოვნის შემცირების რისკი არ არსებობს, ხოლო თუ ვინმეს ეს დაავიწყდება, კვირას მოურინიოს "რომას" პირისპირ დანახვისას, კვლავ იპოვის სწორ განწყობას.
მოურინიოს ყოველივე საუკეთესოს ვუსურვებ. ველოდი, რომ დაბადების დღეზე მიმიპატიჟებდა, იმედგაცრუებული ვარ. საჩუქრით მივიდოდი. ის ერთ-ერთი იმათთაგანია, ვინც ფეხბურთის საერთო დონეს ამაღლებს. ბრავო, მოურინიო, შენ ყველაფერ საუკეთესოს გისურვებ!"
მოურინიო: "ნაპოლიმ" სკუდეტო უკვე მოიგო - მათ დიბალას დონის ფეხბურთელი არ ჰყავთ
"ნაპოლიმ" ოსიმენის შემცვლელი შეარჩია" - ცნობილი იტალიელი ჟურნალისტი
კვარაცხელია "რომასთვის" ემზადება - დაბრუნება 2-მატჩიანი პაუზის შემდეგ
!["დარჩით მშვიდად" - "ნაპოლის" ყოფილმა მედია მენეჯერმა რაშფორდზე მინიშნება გააკეთა? [PHOTO]](/pictures/image7/fe1e9be96312d5503b91f22c1321bfb7.jpg "\"დარჩით მშვიდად\" - \"ნაპოლის\" ყოფილმა მედია მენეჯერმა რაშფორდზე მინიშნება გააკეთა? [PHOTO]")
