კონფერენს ლიგის მერვედფინალში "ლაციო" 2-მატჩიან დაპირისპირებაში ნიდერლანდურ "ალკმაართან" დამარცხდა, რაც "რომას" მწვრთნელ ჟოზე მოურინიოსთვის საკმარისი საბაბი აღმოჩნდა, რათა "ბიანკოჩელესტისთვის" დაეცინა:"ლაციო" მესამეხარისხოვანი ტურნირიდან გამოვარდა? - რა სირცხვილია! ახლა უეფას მოუწევს რომიდან თასის ტრანსპორტირებისთვის ფული გაიღოს, არადა შეიძლებოდა, ის იტალიის დედაქალაქში დარჩენილიყო", - თქვა მოურინიომ.
შეგახსენებთ, რომ კონფერენს ლიგის მოქმედი გამარჯვებული "რომაა". მოურინიოს გუნდი სერია A-ს ეგიდით 19 მარტს სწორედ "ლაციოს" ეთამაშება.
