"იუვენტუსის" მაქინაციების საქმეზე ერთ-ერთმა პროკურორმა მუშაობა შეწყვიტა, - იტყობინება ANSA.
ჩირო სანტორიელომ ტურინის პროკურატურიდან გადაწყვიტა, "იუვენტუსის" საქმის ფარგლებში მუშაობაზე უარი ეთქვა. ეს მას შემდეგ მოხდა, რაც სოციალურ ქსელებში ვიდეო გავრცელდა, სადაც ის ამბობს, რომ "იუვეს" ვერ იტანს. ახლა საქმეზე მუშაობას ორი ბრალმდებელი, მათ შორის, პროკურორის თანაშემწე მარკო ჯანოლო გააგრძელებს.
ერთ-ერთ ვიდეოში 2019 წელს ჩატარებული კონფერენციის ჩანაწერია. მაშინ სანტორიელომ თქვა: "მე ამას ვაღიარებ, "ნაპოლის" დიდი გულშემატკივარი ვარ და ვერ ვიტან "იუვენტუსს". როგორც პროკურორი, გამოვდივარ "იუვენტუსის" წინააღმდეგ, მოედანზე ქურდების წინააღმდეგ".
ამის შემდეგ
ჩიროს ადვოკატმა მიმართა: "მოდით, დისტანცირება მოვახდინოთ იმ ფაქტისგან, რომ "ნაპოლის" მხარდამჭერი ხართ, მე კი "ინტერის" ქომაგი. სანტორიელომ უპასუხა: "თუ "ინტერს" გულშემატკივრობთ, დისტანცირება შეიძლება".
შეგახსენებთ, ფინანსურ მაქინაციებში მონაწილეობის გამო "იუვენტუსს" სერია A-ში 15 ქულა ჩამოაკლეს. კლუბი გადაწყვეტილების გასაჩივრებას აპირებს, თუმცა შეიძლება დამატებითი სანქციები დაუწესონ.
![alt](/pictures/image50/ae1fed5f5f56e6021146fbd20e52fde2.jpg "სკანდალი - "იუვენტუსის" ბრალმდებელი "ნაპოლის" გულშემატკივარი ყოფილა და საქმეს ჩამოსცილდა")
"დაუბრუნეთ "იუვენტუსს" 15 ქულა! - ფედელე ხელმოწერების შეგროვებას იწყებს
![ჩემპიონთა ლიგა. VI ტური: "ბარსელონა" წინ მიიწევს - "სიტის" ვარდნა გრძელდება [VIDEO]](/pictures/image7/c8e7d601e4694196b77c5c02b5cb7d29.jpg "ჩემპიონთა ლიგა. VI ტური: \"ბარსელონა\" წინ მიიწევს - \"სიტის\" ვარდნა გრძელდება [VIDEO]")
