ავტორიტეტული იტალიელი ჟურნალისტი ჯანლუკა დი მარციო გვაუწყებს, რომ "იუვენტუსის" მთავარი მწვრთნელი მომავალ სეზონშიც მასიმილიანო ალეგრი იქნება და ეს მას უკვე შეატყობინეს. მოგეხსენებათ, ტურინელებს მძიმე სეზონი ჰქონდათ, ქულები ჩამოაკლეს, საბოლოოდ მხოლოდ მე-7 პოზიციაზე გავიდნენ და კონფერენს ლიგაზე ითამაშებენ.
კლუბის ეს გადაწყვეტილება იმითაც აიხსნება, რომ გათავისუფლების შემთხვევაში, "ვეკია სინიორას" ალეგრისთვის დიდი კომპენსაციის გადახდა მოუწევდა, რაც არ უღირდა.
