"ნაპოლის" მიმდინარე სეზონში ისედაც არ მისდის საქმეები კარგად და თან, უკვე სკანდალებს აქვს ადგილი - პრეზიდენტი აურელიო დე ლაურენტისი ფინანსურ მაქინაციებშია ეჭვმიტანილი, ხოლო თავდამსხმელმა ვიქტორ ოსიმენმა შეიძლება კლუბს სასამართლოში უჩივლოს.
ოსიმენი უკმაყოფილოა "ნაპოლის" სოციალურ ქსელში გამოქვეყნებული ვიდეოთი, რომელიც "ბოლონიასთან" გამოუყენებელ პენალტს ეხება, რამეთუ თვლის, რომ ეს მისი იმიჯის შემლახავია. TikTok-ზე გამოქვეყნებულ ვიდეორგოლში ასახულია, როგორ სთხოვს მსაჯს, ჯოვანი აიროლდის, თერთმეტმეტრიანის დანიშვნას და ეს იუმორისტული გახმოვანებითაა გაფორმებული.
ამაზე კომენტარი ფეხბურთელის აგენტმა რობერტო კალენდამ გააკეთა: "ის, რაც სოციალურ ქსელებში მოხდა, მიუღებელია. ვიდეო დამცინავია. ეს
სერიოზული ინციდენტია, რომელიც აღრმავებს იმ სიტუაციას, როგორ ეპყრობიან მას უკანასკნელ ხანს. პრესაში გარჩევები მიმდინარეობს და ცრუ ინფორმაციები ვრცელდება.
ვიდეო ჯერ გამოაქვეყნეს, მოგვიანებით კი წაშალეს. ჩვენ სასამართლო გარჩევის ინიცირების და ვიქტორისთვის ნებისმიერი სასარგებლო დაცვის უფლებას ვიტოვებთ".
ნიგერიელმა დემონსტრაციულად მოახდინა თავის "ინსტაგრამზე" "ნაპოლისთან" დისტანცირება - ნეაპოლურ გუნდში გადაღებული სურათების დიდი ნაწილი წაშალა, ხოლო ნაკრებსა და წინა კლუბებში გადაღებული სურათები დატოვა.
![alt](/pictures/image50/9b7b59eac0678a5980248b3a40a51da0.jpg "ეს დასასრულის დასაწყისია - ოსიმენი თვლის, რომ დასცინეს და შეიძლება "ნაპოლის" სასამართლოში უჩივლოს")
სკანდალი. ნუთუ დე ლაურენტისი თაღლითია და დასჯიან თუ არა "ნაპოლის"?
ნაპოლის ტიკტოკი სულელურ ვიდეოებს დებს და ამ შემთხვევაში მართალია ვიქტორი. ნერვები მომეშლებოდა კვარასთვის რო ეგ გაეკეთებინათ. რათქმაუნდა კვარა არ იჩივლებდა მარა გულსატკენი იქნებოდა საკუთარი კლუბისგან
ნიგერიელებმა ეგრევე დაწერეს, კვარამაც გააფუჭა პენალი და არ დაუცინიათ, პირიქით მხარს უჭერდნენო, რასისტულ ჭირლში გადაიყვანეს ეგრევე მარა მესმის მაგათიც.
კი არის ტიკტოკი ცანცარა და არასერიოზული პლატფორმა მაგრამ დაცინვაში არ უნდა გადავიდეს ვიდეოები ჩემი აზრით.
https://vt.tiktok.com/ZSNdAkdT9/
კვარაზეც აკეთებენ რაღაცეებს სასაცილო ვიდეოებს :))
ოსიმენი მართალია. არც მის ვარცხნილობას და არც გარეგნობას არ უნდა შეეხოს არავინ. რატო არის ეს ამდენი ხანი გაუგებარი. არანაირი იუმორი არაა როცა ვინმეს ცხოველს ან ხილს ადარებ.
დაუსვა ფეხბურთიდან
ჭინკები გვინდა კიდევ!