ჟურნალისტ ფაბრიციო რომანოს ინფორმაციით, "ვერონას" 20 წლის ნახევარმცველი ფილიპო ტერაჩიანო კარიერას "მილანში" გააგრძელებს. ის ორშაბათს სამედიცინო შემოწმებას გაივლის, რის შემდეგაც კონტრაქტს გააფორმებს. "როსონერი" ახალგაზრდა ფეხბურთელის სანაცვლოდ 4,5 მილიონ ევროს გადაიხდის, რასაც 1 მილიონი ბონუსების სახით დაემატება.
მიმდინარე სეზონში ტერაჩიანომ 18 შეხვედრაში მიიღო მონაწილეობა და 1 შედეგიანი გადაცემა გააკეთა. "მილანი" ნახევარდაცვაში ამ ზამთარს ასევე 1 ფეხბურთელს შეელევა.
საუბარი ლუკა რომეროზეა, რომელიც მიმდინარე სეზონის დასაწყისში "ლაციოდან" თავისუფალი აგენტის სტატუსით მოვიდა. ის იჯარით "ლეჩეს" ან "კომოს" მიაშურებს.
!["ინტერმა" "მილანს" სძლია და მეოცედ მოიპოვა სკუდეტო [VIDEO]](/pictures/image7/bb5d6099592543668202cce89d0e2b83.jpeg "\"ინტერმა\" \"მილანს\" სძლია და მეოცედ მოიპოვა სკუდეტო [VIDEO]")
