ლეგენდარულმა იტალიელმა ფეხბურთელმა ფრანჩესკო ტოტიმ Corriere Dello Sport-თან ინტერვიუში "რომაში" დაბრუნება ნებისმიერ როლში გამორიცხა. "ამ შეკითხვას ყოველთვის მისვამენ, მაგრამ ერთხელ და სამუდამოდ მინდა გავიმეორო, "რომაში" აღარასდროს დავბრუნდები", - ამბობს ის.
შეგახსენებთ, რომ ტოტიმ მთელი კარიერა "ჯალოროსის" მაისურით გაატარა და ყველა ტურნირზე ჩატარებულ 786 შეხვედრაში 307 გოლი შეაგდო.
მან კარიერა 2017 წელს დაასრულა, შემდეგ "რომას" ტექნიკური დირექტორის თანამდეობა დაიკავა, რომელიც მალევე დატოვა.
