ცნობილმა ფრანგმა თავდამსხმელმა კილიან მბაპემ განაცხადა, რომ "მილანის" დიდი ფანია და თუ ოდესმე სათამაშოდ იტალიაში გადავა, მხოლოდ "როსონერის" ფორმას მოირგებს. "არასდროს იცი, რა მოხდება მომავალში. თუ როდისმე სერია A-ში გადავბარგდები, ჩემი გუნდი მხოლოდ "მილანი" იქნება.
ამ კლუბს ბავშვობიდან ვქომაგობ და მის ყოველ თამაშს ვუყურებ. ჩემი ოჯახის თითოეული წევრი "როსონერის" დიდი გულშემატკივარია", - აქვეყნებს მბაპეს სიტყვებს Sky Sports.
შეგახსენებთ, რომ მბაპე ახლა თავისუფალი აგენტია და ამ ზაფხულს, დიდი ალბათობით, "რეალს" შეუერთდება.
