ზირკზე "მილანთან" ძალიან ახლოს - ნიდერლანდელი სავარაუდოდ, "როსონერის" ფორმას მოირგებს

იტალიური პრესის ინფორმაციით, "ბოლონიას" 23 წლის ნიდერლანდელი ფორვარდი ჯოშუა ზირკზე კარიერას "მილანში" განაგრძობს.

"როსონერმა" 40 მილიონი ევროს გადახდაზე თანხმობა განაცხადა. ეს ის თანხაა, რომელიც ახალგაზრდა შემტევის გამოსასყიდად იყო საჭირო.

ზირკზე "ლომბარდიელებთან" კონტრაქტს 2029 წლამდე გააფორმებს და სეზონურად 5 მილიონ ევროს მიიღებს.

მან გასულ სეზონში სერია A-ში "ბოლონიას" ფორმა 34 შეხვედრაში მოირგო და 11 გოლი გაიტანა.