იტალიის სერია A-ს 30-ე ტურში "მილანი" გასვლაზე "ნაპოლისთან" 1:3 დამარცხდა. მატჩის 69-ე წუთზე "როსონერის" ფორვარდმა სანტიაგო ხიმენესმა პენალტის ნიშნულიდან ვერ გაიტანა. მექსიკელის მიერ უმაღლესი საფეხბურთო სასჯელის შესრულება გასაკვირი გახლდათ, რადგან როგორც ხშირად ხდება ხოლმე, "ლომბარდიელთა" მხრიდან თერთმეტმეტრიანის ნიშნულთან კრისტიან პულისიჩი მიდის.
შეხვედრის შემდეგ "მილანის" დამრიგებელმა სერჟიო კონსეისაომ DAZN-თან ახსნა, რომ გუნდში 3 პენალტისტია და ამ კომპონენტში ვარჯიშებზე სწორედ ეს ფეხბურთელები მუშაობენ.
პორტუგალიელი მოხარულია, რომ პულისიჩმა თერთმეტმეტრიანის შესრულება ხიმენესს დაუთმო, რადგან ეს კლუბში ერთიანობას ნიშნავს და ამერიკელს მექსიკელისთვის გოლების "გვალვის" დასრულება უნდოდა.
![შენგელიას კარგი მატჩი - "ვირტუსმა" ევროლიგაში "მილანი" დაამარცხა [VIDEO]](/pictures/image7/a9d4fc8570d526a119bd1b5673fd9abc.jpg "შენგელიას კარგი მატჩი - \"ვირტუსმა\" ევროლიგაში \"მილანი\" დაამარცხა [VIDEO]")
