"მილანის" 2:1 დამარცხების შემდეგ, DAZN-თან კომენტარი "ნაპოლის" მწვრთნელმა ანტონიო კონტემ გააკეთა:
"ძალიან ძლიერ მეტოქესთან პირველ ტაიმში ვდომინირებდით. ანგისა ნაკრებიდან ტრავმირებული დაბრუნდა, მაგრამ მაკტომინეის არყოფნის გამო გარისკვა მომიწია. ნერესსაც კარგა ხანი არ უთამაშია. თანდათან ინტენსივობის დაკარგვა გარდაუვალი იყო და გარკვეულმა ნერვიულობამ იჩინა თავი. მნიშვნელოვანი გამარჯვება მოვიპოვეთ, რაც "ინტერთან" სკუდეტოსთვის ბრძოლის გაგრძელების და მეხუთე ადგილთან საკმაოდ დაშორების საშუალებას მოგვცემს. ნუ დაგავიწყდებათ, სეზონის წინ ჩემპიონთა ლიგაზე მოხვედრა უპირველესი ამოცანა არ იყო - უბრალოდ ევროტურნირებზე გასვლა გვინდოდა.
რვა თვის მანძილზე მძიმე შრომის შედეგად, სიგიჟე იქნებოდა
რაღაც არაჩვეულებრივზე არ ვიფიქროთ. ვიცით, "ინტერი" ტანკივითაა, სერია A-ში ყველასთან შედარებით სხვა დონეზეა. თუმცა, ბრძოლას ვაგრძელებთ და ვნახოთ, რა მოხდება შემდგომ. თუ ყველა ჩვენი ფეხბურთელი მწყობრში ჩადგება, ჩვენი სიტყვის თქმას მოვახერხებთ, ოღონდ იმ შემთხვევაში, თუ ფორმაში იქნებიან.
ბოლო მომენტში გაირკვა, რომ მაკტომინეი ვერ დაგვეხმარებოდა, ამიტომ ტაქტიკა შევცვალე. თავიდან თამაშის რასპადორისთან ერთად 4-4-2 სქემით დაწყებას ვაპირებდი, სადაც მაკტომინეის მარცხნივ დავაყენებდი, რადგან ნერესის 80 წუთით თამაშის მეშინოდა. ანგისაც არ იმყოფებოდა საუკეთესო მდგომარეობაში. ეს ერთ-ერთი ის დღე გახლდათ, როდესაც ვერ ვიტან, რომ მწვრთნელი ვარ. ტკივილგამაყუჩებლებს ვსვამდი, რადგან საშინელი თავის ტკივილი მაქვს.
"ნაპოლიში" შესანიშნავად დავმკვიდრდი, იმაზე უკეთაც კი, ვიდრე ველოდი. პირველი რაც წინასასეზონო შეკრებაზე ვთქვი - პირველად ცხოვრებაში, მივიღე იმდენი, რაც სანაცვლოდ არ გამიღია და ყოველთვის გუნდის გულშემატკივრების წინაშე თავს ვალდებულად ვგრძნობ.
ვფიქრობ, ბიჭებმა მათ ნაწილობრივ უკვე გადაუხადეს ამ მხარდაჭერისთვის. უბრალოდ მინდა ყველამ იცოდეს, რასაც ვაკეთებთ, რაღაც ექსტრაორდინალურია, ჯადოსნურიც კი. ახლა დარჩენილ რვა ტურზე უნდა მოვახდინოთ კონცენტრირება და მერე მომავალზე შეგვეძლება ფიქრი. აი, ყველაფერი, რისი თქმაც შემიძლია".
"ნაპოლი" არ ნებდება - "მილანს" მოუგო და "ინტერს" ისევ 3 ქულით ჩამორჩება
"გიჟები უნდა ვიყოთ, ამის რომ არ გვჯეროდეს" - ანტონიო კონტეს სკუდეტოს მოგებაზე ჰკითხეს
!["ნაპოლი" არ ნებდება - "მილანს" მოუგო და "ინტერს" ისევ 3 ქულით ჩამორჩება [VIDEO]](/pictures/image7/b20a79336d53d603fd69f6e4c877fbbb.jpg "\"ნაპოლი\" არ ნებდება - \"მილანს\" მოუგო და \"ინტერს\" ისევ 3 ქულით ჩამორჩება [VIDEO]")
კვარაცხელიასთვის კარგი იყო სპალეტის ნაპოლი, სულ რომ წინ გარბოდნენ და ბურთს შუაში არ აჩერებდნენ, თუნდაც პსჟ, ესენიც სულ ასე წინ გარბიან - კონტე, ალეგრი და ეგეთი მწვრთნელები კი შეუფერებელი არიან ასეთ ფეხბურთთან, თუ რაღაც სასწაული დაცვა არ ჰყავთ. მაგ დროს შეიძლება გარისკონ, მაგრამ სხვა შემთხვევაში შეტევას უფრთხიან.
კვარაცხელია გუნდიდა წამოსულია და რეიტინგით თუ საგოლი მოქმედებებით მაინც ერთ-ერთი პირველი რჩება ნაპოლის სტატისტიკაში. ცოდო იყო იმ გუნდში.