"მილანმა" ოფიციალურად გვაუწყა, რომ გუნდის ახალი მწვრთნელი 51 წლის პორტუგალიელი პაულო ფონსეკა გახდა და მასთან 3-წლიანი კონტრაქტი გაფორმდა. გამოცდილი სპეციალისტი ბოლოს ფრანგულ "ლილს" ხელმძღვანელობდა, იქამდე კი არაერთ გუნდში, მათ შორის, სერია A-ს ბინადარ "რომაშიც" მოასწრო მუშაობა.
ფონსეკამ ამ პოსტზე სტეფანო პიოლი შეცვალა, რომელიც "როსონერის" თავკაცი 5 წლის განმავლობაში გახლდათ.
