"რომამ" გვაუწყა, რომ გუნდის მთავარი მწვრთნელი დანიელე დე როსი თანამდებობიდან გათავისუფლებულია. "ჯალოროსიმ" სერია A-ს საწყის 4 ტურში მხოლოდ 3 ქულა მოაგროვა, რაც არადამაკმაყოფილებელ შედეგებად შეფასდა. "მგლების" მიერ გავრცელებულ წერილში უკვე ყოფილ დამრიგებელს მადლობა გადაუხადეს და აღნიშნეს, რომ სამწვრთნელო შტაბის ვინაობას მალე დაასახელებენ.
დე როსიმ "რომა" ამა წლის იანვარში ჩაიბარა. მისი ხელმძღვანელობით გუნდმა 30 შეხვედრაში 14 მოგება, 9 ფრე და 7 მარცხი მოაგროვა.
