Sky Sport Italia-ს ინფორმაციით, "რომას" არგენტინელი შემტევი პაულო დიბალა მალე "ჯალოროსისთან" ახალ კონტრაქტს გააფორმებს. მოქმედი შრომითი ხელშეკრულებით, 31 წლის ფეხბურთელი "ოლიმპიკოზე" მიმდინარე სეზონის ბოლომდე უნდა დარჩენილიყო, მაგრამ კონტრაქტი კიდევ 1 წლით გაგრძელდება.
არგენტინელის ანაზღაურება იგივე დარჩება და ის სეზონურად 8 მილიონ ევროს გამოიმუშავებს.
ინფორმაციისთვის, დიბალამ მიმდინარე სეზონში ჯამში 24 შეხვედრაში მიიღო მონაწილეობა, სადაც 5 გოლი გაიტანა და 3 შედეგიანი გადაცემა გააკეთა.
