"ნაპოლის" 28 წლის შოტლანდიელმა ახალწვეულმა სკოტ მაკტომინეიმ იტალიურ გუნდში ტრანსფერზე ისაუბრა. მოგეხსენებათ, ის "პარტენოპეიმ" გასულ ზაფხულს "მანჩესტერ იუნაიტედიდან" 30,5 მილიონ ევროდ შეიძინა. "ვფიქრობ, "ნაპოლიში" გადასვლის შემდეგ უკეთესი ფეხბურთელი გავხდი. სრულიად ახალ სამყაროში მოვხვდი. ამ გუნდმა ფეხბურთის განსხვავებული სტილი გამიხსნა, ასევე ბევრი რაღაც დამანახა მოედნის მიღმაც, რისთვისაც მადლობელი ვარ", - ციტირებს მაკტომინეის იტალიური პრესა.
მიმდინარე სეზონში მაკტომინეიმ 31 მატჩი ჩაატარა, 7 გოლი და 4 საგოლე გადაცემა გააკეთა.
