ლუქსემბურგელთა თავკაცი: მოგებაც შეგვეძლო!

AutoSharing Option
ლუქსემბურგის ნაკრების მთავარმა მწვრთნელმა ლუკ ჰოლცმა "სასწაული" უწოდა მისი გუნდის მიერ ნაჩვენებ თამაშსა და შედეგს (0:0) საფრანგეთის ნაკრებთან მატჩში და, რა თქმა უნდა, ის ცამდე მართალია. მისივე შეფასებით, ფეხბურთელებს ამ შედეგის მიღწევაში თვითრწმენა დაეხმარა.

"ჩვენ ვირწმუნეთ, რომ ამის გაკეთება შეგვიძლია. როცა გჯერა, დარწმუნებული ხარ საკუთარ შესაძლებლობებში, შეუძლებელი არაფერია. დიდებულია შეგრძნება, როცა იცი, რომ მსოფლიო გააკვირვე. ჩვენთვის საამაყოა ფრე იმ ნაკრებთან, რომელიც მსოფლიოში ერთ-ერთ საუკეთესოდ ითვლება.

ჩვენ დიდი თავგანწირვით ვითამაშეთ და ეს დაგვიფასდა. ალბათ, ამიერიდან, ლუქსემბურგს გამოკვეთილ აუტსაიდერად აღარავინ ჩათვლის. ის
კი არა, მოგებაც შეიძლებოდა!.. ყველას დავუმტკიცეთ, რომ იმ შემთხვევაში, თუ ბოლომდე თავგანწირვით ითამაშებ, შესაძლებელია, სასწაული მოახდინო. ეს დიდი დღეა ჩვენი პატარა ქვეყნისთვის. ვფიქრობ, ჩვენს გულშემატკივრებს თამამად შეუძლიათ, ჩვენით იამაყონ", - თქვა ჰოლცმა.

"რა თქმა უნდა, შედეგით ყველანი უკმაყოფილონი ვართ, მაგრამ ასევე, მინდა ჩვენი მეტოქის გმირული გარჯა დავაფასო. მინიმუმ თორმეტი აშკარა საგოლე მომენტი გვქონდა, მაგრამ შეხვედრა ფრედ დასრულდა. ეს ფეხბურთია და აქ ყველაფერი ხდება... შვედეთთან სხვაობა ახლა მინიმალურია, მაგრამ მაინც სასიამოვნოა იმის შეგრძნება, რომ ყველაფერი ჩვენს ხელშია. დარჩენილ შეხვედრებში ბოლომდე გვმართებს მობილიზება. ყველას გვჯერა, რომ ასეთ შეცდომებს აღარ გავიმეორებთ", - თქვა საფრანგეთის ნაკრების მწვრთნელმა დიდიე დეშამმა.

(იბეჭდება მცირე ცვლილებით)
ყოველდღიური სპორტული გაზეთი "ლელო"
მკითხველის კომენტარები / 0 /
კომენტარი ჯერ არ გაკეთებულა.

ასევე დაგაინტერესებთ
სიახლეები პოპულარული