ირანის ნაკრები 2018 წლის მსოფლიო ჩემპიონატის მონაწილე პირველი გუნდია, რომელიც რუსეთში ჩაფრინდა. კარლოს კეირუში და მისი დელეგაცია მოსკოვში, "ვნუკოვოს" აეროპორტში, ადგილობრივი დროით 20:30 საათზე ჩაფრინდა.
"მსოფლიო ჩემპიონატზე მოხვედრა ნებისმიერი ირანელის ოცნება იყო. ჩვენ ამისთვის დიდი და თავგანწირული გზა განვვლეთ.
მოხარული ვარ, რომ აქ ვიმყოფები. ვფიქრობ, ჩვენ ეს დავიმსახურეთ", - აღნიშნა კეირუშმა.
ირანის ნაკრები B ჯგუფში იასპარეზებს, სადაც მისი მეტოქეები ესპანეთის, პორტუგალიისა და მაროკოს ნაკრებები იქნებიან.
ხუთშაბათს, 7 ივნისს, რუსეთში პანამის ნაკრები ჩაფრინდება.
