მსოფლიოს ჩემპიონატზე ბელგიასთან დამარცხებული ბრაზილიის ნაკრების თავდამსხმელმა ნეიმარმა დღეს ინსტაგრამზე შემდეგი დაწერა."ეს ჩემს კარიერაში ყველაზე სამწუხარო მომენტია. ძალიან დამწუხრებული ვარ, რადგან ვიცოდი, რომ მოგება და შემდეგ ეტაპზე გასვლა შეგვეძლო. არ გამოგვივიდა.
ძნელია გამონახო ძალა და კვლავ ითამაშო ფეხბურთი. დარწმუნებული ვარ, ღმერთი ყველა წინააღმდეგობის დაძლევის ძალას მომცემს. დამარცხების შემდეგაც ამიტომ ვარ მისი მადლიერი.
ვამაყობ ამ გუნდის წევრობით. ჩვენი ოცნება ვერ ავისრულეთ, მაგრამ ჩვენი გულები გაჩერების უფლებას არ მოგვცემენ".
