უცხოური ფეხბურთი

მსოფლიო ჩემპიონატი

ჰოლანის მორიგი გოლი, მემფისის შოუ სახლში [VIDEO]

AutoSharing Option
მსოფლიო ჩემპიონატის საკვალიფიკაციო ეტაპის მე-5 ტურში ლატვიამ ნორვეგიას უმასპინძლა და 0:2 დამარცხდა.

სტუმართა რიგებიდან ანგარიში ერლინ ჰოლანმა გახსნა, სკანდინავიელმა ტალანტმა თავი მე-20 წუთზე პენალტის ნიშნულიდან გამოიჩინა.

ნორვეგიელებმა მატჩის საბოლოო ანგარიში 66-ე წუთზე ალიუნუსის გოლის მეშვეობით დააფიქსირეს.

ამრიგად, 5 ტურის შემდეგ G ჯგუფში ვითარება დაძაბულია, ნორვეგია 10 ქულით მე-3 ადგილს იკავებს, ლიდერ თურქეთთან სხვაობა 1 ქულაა, ნიდერლანდებს კი ამდენივე 10 ქულა აქვს, მოწინავე პოზიციას კი გატანილსა და გაშვებულ ბურთებს შორის უკეთესი სხვაობით ინარჩუნებს.



ამავე ჯგუფში ნიდერლანდებმა მონტენეგროს
უმასპინძლა და 4:0 გაანადგურა.

მასპინძლებმა პირველი ტაიმი მემფის დეპაის ზუსტი თერთმეტმეტრიანის მეშვეობით მოიგეს, "ბლაუგრანას" ერთ-ერთმა ლიდერმა თავი 38-ე წუთზე გამოიჩინა.

მეორე ტაიმში იმავე მემფისმა 62-ე წუთზე სხვაობა ორამდე გაზარდა. დარჩენილი ორი გოლი კი ჟორჟინიო ვეინალდუმმა (70 წუთი) და კოდი გაკპომ (76 წუთზე) გაიტანეს.

როგორც უკვე აღვნიშნე, ნიდერლანდები 5 ტურის შემდეგ 10 ქულით მეორე ადგილზე იმყოფებიან, მონტენეგროს 7 ქულა აქვს და მე-4 ადგილს იკავებს.

ნიდერლანდები მომდევნო შეხვედრას 7 სექტემბერს, თურქეთის წინააღმდეგ გამართავს, მონტენეგრო იმავე რიცხვში ლატვიას უმასპინძლებს.