ესპანეთის ნაკრების მთავარმა მწვრთნელმა ლუის ენრიკემ 2022 წლის მუნდიალის ფავორიტი დაასახელა. "ფურია როხას" თავკაცის თქმით, მსოფლიო ჩემპიონატის მოგების ყველაზე მეტი შანსი არგენტინას აქვს.
"ვფიქრობ, არგენტინა დანარჩენზე მაღლა დგას და ასევე ბრაზილია.
ბრაზილია ძირითადად იმიტომ დავამატე, რომ ბრაზილიური მედია მოვა და იტყვის: "შენ არგენტინა მაღლა დააყენე". ასე რომ, მე ვიტყვი, რომ არგენტინა და ბრაზილია დანარჩენებზე მნიშვნელოვნად უკეთესები არიან, - განაცხადა ენრიკემ La Nacion-თან ინტერვიუში.
