ფიფას ყოფილმა პრეზიდენტმა ზეფ ბლატერმა განაცხადა, რომ თუ ის დღეს ისევ ამავე თანამდეობაზე იქნებოდა, ირანის ნაკრებს მუნდიალიდან მოკვეთდა:"ირანი 2022 წლის მუნდიალიდან უნდა გარიცხონ! მსოფლიო ფეხბურთის მმართველი ორგანოს პრეზიდენტი კვლავ რომ ვიყო, ამას გავაკეთებდი", - ამბობს ბლატერი.
შეგახსენებთ, რომ ირანის მუნდიალიდან მოკვეთას უკრაინელები ითხოვენ. ასევე, აქტივისტ და ჟურნალისტ მასიჰ ალინეჯადის ცნობით, ფიფას ირანის მუნდიალიდან მოკვეთის მოთხოვნით ირანელმა ფეხბურთელებმა და ქვეყნის ოფიციალურმა სპორტულმა პირებმა წერილით მიმართეს.
თავად ბლატერმა რამდენიმე დღის წინ განაცხადა, შეცდომა დავუშვით, მუნდიალის მასპინძლობის უფლება კატარს რომ მივეცითო...
