მსოფლიო ჩემპიონატის პირველ ტურში, H ჯგუფში, პორტუგალიამ განა 3:2 დაამარცხა.
ამ მატჩს ყველა განსაკუთრებულად ელოდა, ვინაიდან საინტერესო იყო, როგორ წარმოაჩენდა თავს „მანჩესტერიდან“ სკანდალურად აბარგებული რონალდო, რომელიც ევრო 2004-დან დაწყებული, პორტუგალიის ეროვნული გუნდის შემადგენლობაში მეათე დიდ ტურნირზე (ეს ევროპული რეკორდია) და მეხუთე მუნდიალზე იღებს მონაწილეობას.
პირველი ტაიმი დიდი ვერაფერი სანახავი გამოდგა, პორტუგალია ინიციატივას ფლობდა, მაგრამ მხოლოდ ერთადერთი მომენტი ჰქონდა, რომელიც რონალდომ ვერ გამოიყენა. თამაშის სურათი არც მეორე ტაიმში შეიცვალა, ვიდრე კრიშტიანომ თავის მიერვე მოპოვებული პენალტით ანგარიში არ გახსნა - მსოფლიოს 5 სხვადასხვა ჩემპიონატზე გოლის გამტანი პირველი ფეხბურთელი გახდა. ცოტა ხანში კუდუსი მარცხენა ფლანგზე მეურვეს გაექცა, განივი გადაცემა გააკეთა და აიუმ დიოგუ კოშტას კარი დალაშქრა. შემდეგ ფელიქსმა და ლეაომ დაამწუხრეს აფრიკელები. განამ გაიბრძოლა, ბუკარიმ სხვაობა მინიმუმამდე შეამცირა, შეხვედრის დასასრულს ინიაკიმ მეკარეს ბურთი მოჰპარა, მაგრამ კარში გადაგზავნა ვერ შეძლო და არცთუ დამაჯერებლად პორტუგალიამ მოიგო.
ამ ჯგუფში მეორე ტური 28 ნოემბერს გაიმართება: ლიდერი პორტუგალია ურუგვაის, განა კი სამხრეთ კორეას დაუპირისპირდება.
დოჰა, „სტადიუმ 974“. 42 662 მაყურებელი
პორტუგალია - განა 3:2
გოლები: 1:0 რონალდო (65, პენ), 1:1 აიუ (73), 2:1 ფელიქსი (78), 3:1 ლეაო (80), 3:2 ბუკარი (89)
ურუგვაიმ მოლოდინი ვერ გაამართლა - კიმი ტრავმას გადაურჩა
![რონალდომ პორტუგალიას მოაგებინა, მოდრიჩმა - ხორვატიას [VIDEO]](/pictures/image7/106d20a28d24a3caaa0786fd2d66fdab.jpg "რონალდომ პორტუგალიას მოაგებინა, მოდრიჩმა - ხორვატიას [VIDEO]")
![ერთა ლიგა. რონალდოს მე-900 და "ნაპოლის" ფეხბურთელების გოლები [VIDEO]](/pictures/image7/4f2708f19bae05fefe1fd32fced04e6a.jpg "ერთა ლიგა. რონალდოს მე-900 და \"ნაპოლის\" ფეხბურთელების გოლები [VIDEO]")
![ატირებულ პეპეს რონალდო ამშვიდებდა [VIDEO]](/pictures/image7/f80a2296c266c2fc226f87c0217c932e.jpg "ატირებულ პეპეს რონალდო ამშვიდებდა [VIDEO]")
