"პარი სენ-ჟერმენის" ნახევარმცველი მარკო ვერატი თავის ამჟამინდელ კლუბთან ახალ კონტრაქტს უახლოეს ხანში გააფორმებს. როგორც Le Parisien იტყობინება, პარიზელები იტალიელს ხელფასს გაუზრდიან - თვეში 810 ათასიდან ერთ მილიონ ევრომდე.აღვნიშნავთ, რომ ვერატის ამჟამინდელი კონტრაქტი 2021 წლამდეა ძალაში. ხელშეკრულების მორიგი გაგრძელება მეხუთე იქნება იტალიელისთვის პსჟ-ში 2012 წელს მისვლიდან დღემდე.
ცნობისთვის, ვერატიმ წელს აგენტი შეიცვალა და ახლა, მის საქმეებს სახელგანთქმული მინო რაიოლა განაგებს.
(იბეჭდება მცირე ცვლილებით)
ყოველდღიური სპორტული გაზეთი "ლელო"
