საფრანგეთის ლიგის თასზე პირველი ფინალისტი გამოვლინდა. პსჟ-მა გასვლით შეხვედრაში "რენი" 3:2 დაამარცხა და კიდევ ერთი ტიტულისთვის ბრძოლას აგრძელებს.
დედაქალაქელებმა ანგარიში 24-ე წუთზე ტომას მუნიეს შესანიშნავი შორეული დარტყმით გახსნეს. მე-2 ნახევრის 4-წუთიან მონაკვეთში კი მათ თამაშის ბედი საბოლოოდ გადაწყვიტეს.
ჯერ 54-ე წუთზე მარკინიოსმა აიღო მეკარე დიალოს კარი, 58-ე წუთზე კი იმავე კარის დარაჯის შეცდომით შეცვლაზე შემოსულმა ჯოვანი ლო კელსომ ისარგებლა.
ამ მომენტიდან 5 წუთში კი მოედნის ცენტრში განზრახ უხეშობისთვის მსაჯმა პარიზელთა შემტევი კილიან მბაპე გააძევა.
მასპინძლებმა გაბრძოლება ბოლოსკენღა მოახერხეს. 85-ე წუთზე სხვაობა დიაფრა სახომ შეამცირა, მსაჯის მიერ დამატებულ მე-2 წუთზე კი ბოსნიელმა სანჯიმ პრიჩმა საბოლოო ანგარიში - 2:3 დააფიქსირა.
პსჟ-ის მეტოქის ვინაობა ფინალურ შეხვედრაში დღეს გახდება ცნობილი. ფინალის საგზურს ერთმანეთში - "მონაკო" და "მონპელიე" გაითამაშებენ.
მკითხველის კომენტარები / 0 /
მოწონებების მიხედვით
თარიღის მიხედვით
კომენტარი ჯერ არ გაკეთებულა.
გააკეთეთ კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
ასევე დაგაინტერესებთ
უძრავი ქონება
107.00 k
150.00 k
სიახლეები
პოპულარული
