1960 წელს "ტოტენჰემმა" ინგლისის ჩემპიონატის პირველი 11 ტური მოიგო. ასეთი რამ ევროპის ტოპ-5 ლიგაში ახლახან "პარი სენ-ჟერმენმა" გაიმეორა - თომას ტუხელის გუნდსაც 11 სასტარტო მატჩიდან 11 მოგება აქვს, მაგრამ შორეულ 1960-ში ლონდონური კლუბი მე-12 ტურში შეაჩერეს. აი, პსჟ-ს კი ახალი რეკორდის დამყარების შესანიშნავი შანსი აქვს - დღეს "პარკ დე პრენსზე" პსჟ "ლილს" მასპინძლობს. სხვათა შორის, ეს ტურის ცენტრალური მატჩიცაა, რადგან ლიდერი მე-2 ადგილზე მყოფ კლუბს ეთამაშება. ერთია, მათ შორის უკვე 8 ქულაა სხვაობა და თუ პსჟ მოიგებს, არამარტო რეკორდს დაამყარებს...
პსჟ (სავარაუდო): ბუფონი - კეჰრერი, მარკინიოსი, ნ"სოკი - მონიე, დიარა, რაბიო, ბერნატი - ნეიმარი - კავანი, მბაპე.
საინტერესო დაპირისპირება გველის "ლიონისა" და "ბორდოს" მატჩში. ურიგო არც მესამეადგილოსანი "მონპელიესა" და "მარსელის" მატჩი უნდა იყოს. ხოლო ტიერი ანრის "მონაკო" "რეიმსს" ესტუმრება.
ფაქტები
- პსჟ-მა ბოლო 4 მატჩში მოედანი ისე არ დატოვა, სულ მცირე, 4 გოლი მაინც არ გაეტანა.
- პსჟ-მა "ლილს" ბოლო 6 დაპირისპირება მოუგო ყველა შეჯიბრებაში.
- პსჟ-ს ბოლო 4 თამაშში (ლიგა 1) გოლი არ გაუშვია და გუნდმა მოიგო ყოველი ტაიმი.
ლიგა 1. XII ტური
პარასკევი, 2 ნოემბერი
პსჟ-ლილი 23:45
შაბათი, 3 ნოემბერი
ლიონი-ბორდო 20:00
კაენი-რენი 23:00
დიჟონი-ნიმი 23:00
ნიცა-ამიენი 23:00
რეიმსი-მონაკო 23:00
სტრასბური-ტულუზი 23:00
კვირა, 4 ნოემბერი
ნანტი-გენგამი 18:00
სტ. ეტიენი-ანჟერი 20:00
მონპელიე-მარსელი 23:59
ბომბარდირები: 10 - კილიან მბაპე (პსჟ); 8- ნეიმარი (პსჟ), ემანუელ სალა (ნანტი); 7- ფლორიან ტოვენი (მარსელი), ნიკოლა პეპე (ლილი), ჯონათან ბამბა (ლილი), ფრანსუა კამანო (ბორდო).
ნიკოლოზ ნეფარიძე (იბეჭდება მცირე ცვლილებით)
ყოველდღიური სპორტული გაზეთი "ლელო"
