ანდრე ვილაშ ბოაში "მარსელში" წარმოუდგენლად დაბალ ხელფასზე იმუშავებს

AutoSharing Option
პორტუგალიელმა მწვრთნელმა ანდრე ვილაშ ბოაშმა დაასრულა მოლაპარაკებები "მარსელთან" და პირობებიც შეათანხმა. როგორც France Football-ი წერს, პორტუგალიელმა ფრანგულ კლუბთან 2- წლიანი კონტრაქტი გააფორმა და წელიწადში ხელფასის სახით 600 000 ევროს მიიღებს. ეს გაცილებით დაბალი თანხაა იმასთან შედარებით, რასაც ის სანკტ-პეტერბურგის "ზენიტსა" (7,5 მილიონი ევრო) თუ "შანხაი სიპგში"(12 მილიონი ევრო) იღებდა.

ცოტა ხნის წინ ვილაშ ბოაშმა განაცხადა, რომ მზად იყო მარსელის "ოლიმპიკის" გასაწვრთნელად. მისი ბოლო კლუბი ზემოთ ხსენებული "შანხაი სიპგი" გახლდათ, რომელიც 2017 წელს დატოვა. იქამდე კი წვრთნიდა ისეთ კლუბებს, როგორებიც "პორტუ",
"ტოტენჰემი" და "ჩელსი" არიან. 2014-2016 წლებში კი "ზენიტში" მუშაობდა.

"მარსელმა" ჩემპიონატი 61 ქულით მე-5 პოზიციაზე დაასრულა. რუდი გარსიას გაწვრთნილი გუნდი ჩემპიონ პსჟ-ს 30 ქულით ჩამორჩა. მომდევნო სეზონში "მარსელი" ევროპა ლიგაზე ითამაშებს.