საფრანგეთის ჩემპიონატის 22-ე ტურში პსჟ-მა საკუთარ მოედანზე 5:0 დაამარცხა "მონპელიე" და ამ მატჩში ერთობ ოდიოზური გადაწყვეტილება მიიღო მსაჯმა ჟერომ ბრიზარმა.
კერძოდ, 38-ე წუთზე მასპინძელთა გუნდის თავდამსხმელმა ნეიმარმა ლამაზი ფინტი გააკეთა, არბიტრმა კი ეს არასპორტულ საქციელად და მეტოქის დაცინვად ჩათვალა და ყვითელი ბარათი უჩვენა.
შესვენებაზე ნეიმარი მსაჯს გამოელაპარაკა, მაგრამ მან უთხრა, რომ ფრანგულად უნდა მიემართა.
ნეიმარისთვის ყვითელი ბარათის ჩვენებამ "პარი სენ ჟერმენის" გულშემატკივრები აღაშფოთა. ისინი სოციალურ ქსელებში წერენ, რომ ფეხბურთს კლავენ.
ნამატჩევს ბრაზილიელმა ფეხბურთელმა "ინსტაგრამზე" დაწერა: "მე უბრალოდ ფეხბურთს ვთამაშობ".
ისე, რა არის ფეხბურთი დრიბლინგისა და ფინტის გარეშე, ის ხომ თავის მომხიბვლელობასა და სილამაზეს კარგავს...
ნეიმარმა გოლი კობი ბრაიანტის ხსოვნას მიუძღვნა [VIDEO]
"მონაკომ" პსჟ-ს ფრე გაუგორა - ნეიმარმა დუბლი შეასრულა [VIDEO]
ანდრეს ინიესტა: ნეიმარის "ბარსელონაში" დაბრუნება შესანიშნავი იქნებოდა
