დღეს, 11 აგვისტოს, "პარი სენ ჟერმენის" ფეხბურთელმა ლიონელ მესიმ პრესკონფერენცია გამართა, სადაც სხვადასხვა თემაზე ისაუბრა.
"შეტევაში ნეიმართან და მბაპესთან ერთად თამაში ნამდვილი სიგიჟეა. აღფრთოვანებული ვარ დასაწყისით" - თქვა ლეომ.
მესიმ აღიარა, რომ პსჟ-ის შემადგენლობაში გადასვლაში დიდი წვლილი მისმა ახლო მეგობარმა და ასევე ექსბარსელონელმა ნეიმარმა შეიტანა. არგენტინელს, რა თქმა უნდა, კლუბში სხვა მეგობრებიც დახვდნენ.
"ჩემ აქ გადმოსვლაში ნეიმარმა დიდი როლი შეასრულა. გასახდელში ბევრი ნაცნობი მყავს და როდესაც ამ გუნდს ვუყურებ, მოხარული ვარ. მეც და "პარი სენ ჟერმენსაც" ერთი მიზანი გვაქვს და
ვიმედოვნებ, ამ ყველაფერს ერთად შევძლებთ. ნეიმარი, ანხელ დი მარია, ლეანდრო პარედესი და სხვა ფეხბურთელები ამ გუნდში ირიცხებიან".
"ჩემი მიზანია ჩემპიონთა ლიგა კიდევ ერთხელ მოვიგო. ვფიქრობ, ჩვენ ის გუნდი გვყავს, რომელსაც ამის ძალა შესწევს. დიახ, მე სწორ ადგილზე მოვედი".
ლეომ დებიუტთან დაკავშირებითაც ისაუბრა და განმარტა:
"მე ერთი თვის განმავლობაში ვისვენებდი (მას შემდეგ, რაც კოპა ამერიკის ტურნირზე არგენტინასთან ერთად წარდგა). გუშინ სამწვრთნელო შტაბს ვესაუბრე და სავარაუდოდ, სეზონისთვის მე თვითონ, დამოუკიდებლად მოვემზადები, რადგან მოუთმენლად ველი ამ ყველაფრის დაწყებას. ამრიგად, არ შემიძლია გითხრათ, როდის შედგება ჩემი დებიუტი".
რა თქმა უნდა, მესის ნეიმართან, მბაპესთან და დი მარიასთან თამაში სურს, თუმცა ერთი ფეხბურთელი მაინც გამოჰყო, ეს მარკო ვერატი გახლავთ.
"ვერატი ნახევარდაცვის პოზიციაზე ერთ-ერთი საუკეთესო ფეხბურთელია. რამდენიმე სეზონის წინ "ბარსელონას" მისი დამატება სურდა, თუმცა ახლა საქმეები შეიცვალა და მე პარიზში ჩამოვედი. ეს შესანიშნავია, მე ის უკვე გავიცანი. სიმართლე გითხრათ, ამ გუნდში ისეთი ფეხბურთელები ირიცხებიან, რომლებიც თავიანთ პოზიციაზე საუკეთესოები არიან" - თქვა მესიმ.
მომზადებულია marca-ს მიხედვით
![alt](/pictures/image50/31b32363fd10fefc1cfbac4e61162c11.jpg ""შეტევაში ნეიმართან და მბაპესთან ერთად თამაში ნამდვილი სიგიჟეა..." - მესის პრეს-კონფერენცია")
"მტკივნეულია, როდესაც მესის სხვა გუნდის მაისურით ნახავ, თუმცა..." - ინიესტა არგენტინელის ტრანსფერს გამოეხმაურა
!["რეალში" ჯერ კიდევ არგადასული მბაპე "ბარსელონას" ფანებს უკვე შესძულდებათ - ნახეთ, რა უთხრა გასახდელისკენ მიმავალმა ფრანგმა კატალონიელთა გულშემატკივრებს [VIDEO]](/pictures/image7/c8d0781634d40a75628d9109aff3fe43.jpeg "\"რეალში\" ჯერ კიდევ არგადასული მბაპე \"ბარსელონას\" ფანებს უკვე შესძულდებათ - ნახეთ, რა უთხრა გასახდელისკენ მიმავალმა ფრანგმა კატალონიელთა გულშემატკივრებს [VIDEO]")
