"პარი სენ ჟერმენის" პრეზიდენტმა ნასერ ალ-ჰელაიფიმ განაცხადა, რომ კლუბი კილიან მბაპეს გაყიდვას არ აპირებს. მისი თქმით, ფრანგი ფეხბურთელი წარმატებისთვის სხვა კლუბს ვერ იპოვის.
შეგახსენებთ, კილიანს გუნდთან არსებული კონტრაქტი 2022 წლის ზაფხულში ეწურება, ფეხბურთელის მხარეს კი ხელშეკრულების გახანგრძლივება არ სურს, კარიერის გაგრძელებას კი მადრიდის "რეალში" ვარაუდობს.
"მბაპე? ის დიდებული ფეხბურთელია. მან საჯაროდ უკვე განაცხადა, რომ გუნდის დატოვება არ სურს" - თქვა ალ-ხალიფმა ლიონელ მესის პრეზენტაციაზე.
ჩვენ მისი მომავალი კარგად ვიცით, მან უკვე თქვა, რომ ის გუნდს არ დატოვებს და პარიზში დარჩება.
"პარი სენ ჟერმენის" ხელმძღვანელობას იმედი აქვს, რომ ლიონელ მესი გუნდს ისტორიაში პირველი ჩემპიონთა ლიგის მოგებაში დაეხმარება, მის გვერდით კი მრისხანე შემტევები კილიან მბაპე და ნეიმარი იასპარეზებენ.
"ჩვენ საკმაოდ ამბიციური გეგმა გვაქვს, რომლის კულმინაციასთანაც ერთ ნაბიჯში ვართ... ეს კი მაშინ მოხდა, როდესაც ჩვენ მსოფლიოს საუკეთესო ფეხბურთელის გადმობირება მოვახერხეთ. ვიმედოვნებ, ლეო და მისი თანაგუნდელები უამრავ ტიტულს მოიგებენ. ისინი საუკეთესოები არიან, მათ სათავეში კი თანამედროვეობის ერთ-ერთი საუკეთესო მწვრთნელი მაურისიო პოჩეტინო უდგას".
ამრიგად, პარიზული გიგანტის ხელმძღვანელობა ახალგაზრდა ვარსკვლავის გაშვებას არ გეგმავს, ყველაფერს კი დრო გაარკვევს.
მომზადებულია marca-ს მიხედვით
"შეტევაში ნეიმართან და მბაპესთან ერთად თამაში ნამდვილი სიგიჟეა..." - მესის პრესკონფერენცია
![მესის საგოლე პასი და ლაუტარო მარტინესის ულამაზესი გოლი პერუსთან [VIDEO]](/pictures/image7/25c06cac30defd4149f49eb371b8b6cb.jpg "მესის საგოლე პასი და ლაუტარო მარტინესის ულამაზესი გოლი პერუსთან [VIDEO]")
![ლობჟანიძის გუნდის უდიდესი სენსაცია - "ატლანტამ" ლიონელ მესის მაიამის "ინტერი" პლეი-ოფიდან გამოთიშა [VIDEO]](/pictures/image7/a581ca8bbae97f197cb41508a299498a.jpg "ლობჟანიძის გუნდის უდიდესი სენსაცია - \"ატლანტამ\" ლიონელ მესის მაიამის \"ინტერი\" პლეი-ოფიდან გამოთიშა [VIDEO]")
