საფრანგეთის ლიგა 1-ის 22-ე ტურში "პარი სენ ჟერმენმა" "რეიმსს" უმასპინძლა და 4:0 დაამარცხა.
მასპინძლები შესვენებაზე ერთბურთიანი უპირატესობით გავიდნენ, 44-ე წუთზე თავი მარკო ვერატიმ გამოიჩინა.
მე-2 ტაიმში პარიზელების მხრიდან გოლები სერხიო რამოსმა (62), მარკო ვერატიმ (67) და დანილო ფერეირამ (75) გაიტანეს.
აღსანიშნავია, რომ 63-ე წუთზე მოედანზე ლიონელ მესი შემოვიდა, თუმცა არგენტინელმა გოლის გატანა ვერ მოახერხა.
ამრიგად, 22 ტურის შემდეგ პსჟ 53 ქულით 1-ელ ადგილზე იმყოფება, მეორეადგილოსან "ნიცას" კი 11 ქულით ასწრებს. მომდევნო შეხვედრას 6 თებერვალს, "ლილის" წინააღმდეგ გამართავს.
"რეიმსი" 24 ქულით მე-14 ადგილს იკავებს, მომდევნო ტურში (6 იანვარს) კი "ბორდოს" უმასპინძლებს.
