პსჟ, რომელიც ევროპაში ერთ-ერთ საუკეთესო ფორმაშია, ფენომენალური და დაუმარცხებელი სერიის გაგრძელებას აპირებს. ლუის ენრიკეს გუნდი ყოველკვირეულად უკეთესი ხდება. მორიგი მატჩი სტუმრად, "მუნიციპალზე"(33 150), "ტულუზასთანაა", შაბათის საღამოს (ჩვენი დროით უკვე კვირას, 00:05 სთ-ზე), 15 თებერვალს.ხვიჩა კვარაცხელიას გუნდმა ჩემპიონთა ლიგის მერვედფინალში (იქ ბარსელონა ან ლივერპული) თამაში თითქმის გაინაღდა, თასზე სუსტი მოწინააღმდეგე ელის, ჩემპიონატში კი 22-ე ტურამდე 10-ქულიანი უპირატესობა აქვს. შაბათს, 20:00 საათზე, უახლოესი კონკურენტი "მარსელი" ზურიკო დავითაშვილის "სენტ ეტიენს" უმასპინძლებს. აქვე გეტყვით, რომ კვირას, 18:00 საათზე, გიორგი მიქაუტაძის "ლიონი" "მონპელიეს" ესტუმრება.
![Sportall.Ge](/pictures/artimages/original/16cf4556132568633effd7d2ab341294.jpg "ბარკოლა დაისვენებს და კვარაცხელია დაიწყებს - "მილანის" რეკორდისკენ და გუნდი, რომელმაც ბოლოს პსჟ-ს მოუგო...")
ლუის ენრიკეს გუნდი ფრანგულ რეკორდებს ხომ არ იმჩნევს და შიდა ასპარეზზე 34 გასვლითი შეხვედრა დაუმარცხებლად ის იქნება, რაც 90-იანი წლების ლეგენდარულ "მილანს" ჰქონდა. ამის შანსი ახლავე არსებობს.
"ტულუზა" ცუდ ფორმაშია, ვერც ჩემპიონატში იგებს და თასიდანაც გავარდა. ესპანელი კარლეს მარტინესის გუნდი ინტერნაციონალურადაა დაკომოლექტებული. აქ შეხვდებით ფრანგსაც, ნორვეგიელსაც, ვენესუელელსაც, აშშ-ს წარმომადგენელსაც, მაროკოელსაც და გაბონელსაც...
ლუის ენრიკესგან მორიგ როტაციას ველით. მაგალითად, დაცვაში ბრაზილიელმა ბერალდომ (მარკინიოსი დაისვენებს) უნდა ითამაშოს, რომელიც ბოლოს მხოლოდ თასზე ვნახეთ; ლიმ რუისი უნდა ჩაანაცვლოს; რაც შეეხება შეტევას, სასტარტოში ამჯერად ბარკოლა არ იქნება და ხვიჩა კვარაცხელია დაიწყებს. ცენტრფორვარდად რამოშს ვნახავთ, დემბელე კი მარჯვნივ გადაინაცვლებს.
მატჩის მთავარი მსაჯი დელაჯოდია, რომელიც პარიზელებს ბოლოს 5 იანვარს, სუპერთასზე მოემსახურა.
![alt](/pictures/image50/5823f853a34d2a579d992c66ecb0f4ae.jpg "ბარკოლა დაისვენებს და კვარაცხელია დაიწყებს - "მილანის" რეკორდისკენ და გუნდი, რომელმაც ბოლოს პსჟ-ს მოუგო...")
გვეყოლება თუ არა, კახა კალაძის შემდეგ, ჩემპიონთა ლიგის კიდევ ერთი ქართველი გამარჯვებული?! - როდის ანთებს ხვიჩა ცეცხლს...
