13:02. ბენედიკტ ჰიოვედესი თითქმის გადავიდა "იუვენტუსში". "შალკეს" მცველი ტურინში სამედიცინო შემოწმებისთვის ჩავიდა, მოგვიანებით კი იჯარაზე ხელშეკრულებას გააფორმებს.13:15. ოფიციალურად! ჯერემი ტოლიანი "დორტმუნდში" გადავიდა. "ჰოფენჰაიმის" აწ უკვე ყოფილმა მცველმა ხუთწლიანი კონტრაქტი გააფორმა. ტრანსფერის თანხა არ დასახელებულა.
13:16. ოფიციალურად! თავის მხრივ, "ჰოფენჰაიმმა" "დორტმუნდიდან" იჯარით აიყვანა ფელიქს პასლაკი. 19 წლის მცველი ახალ კლუბში ორი წელი დარჩება.
13:18. ანხელ დი მარიამ მოთხოვნით მიმართა "პარი სენ-ჟერმენს" "ბარსელონაში" ტრანსფერის თაობაზე. ლაპარაკია 30 მილიონ ევროზე. ამ მომენტისთვის, ბევრი რამ დამოკიდებულია "ლივერპულზე": თუ ის არ გაუშვებს ფილიპე კოუტინიოს,
13:20. გჟეგოჟ კრიხოვიაკი ინგლისში ჩავიდა. პოლონელი სამედიცინო შემოწმებას გაივლის "ვესტ ბრომვიჩში".
13:37. Sky Sports-მა უარყო ჭორი იმის თაობაზე, თითქოს "მანჩესტერ სიტიმ" ალექსის სანჩესის ხელში ჩასაგდებად "არსენალს" რაჰიმ სტერლინგი შესთავაზა. ლონდონელები მხოლოდ 75 მილიონზე არიან თანახმა.
13:41. "მანჩესტერ იუნაიტედი" იბრძვის გარეთ ბეილისთვის სატრანსფერო ფანჯრის ბოლო საათებში. Daily Star-ი წერს, რომ ყველაფერი "რეალზეა" დამოკიდებული, რომელსაც არ სურს, ნაჩქარევად ეძებოს შემცვლელი.
13:45. "ლევანტე" ლუკას პერესის შეძენას აპირებს, "არსენალიც" უარს არ არის ფეხბურთელის გაშვებაზე. ესპანურ კლუბს ამ ტრანსფერისთვის 12 მილიონი ევრო აქვს, მაგრამ "არსენალი" ითხოვს 20 მილიონს.
13:57. დიბალა და ლემარი - მთავარი კანდიდატები არიან "ბარსელონაში" გადასვლაზე ფილიპე კოუტინიოს ტრანსფერის ჩაშლის შემთხვევაში. Diario Sport-ი წერს, რომ ამ ვარიანტით, კატალონიელები დაახლოებით 100 მილიონ ევროს დახარჯავენ ერთ-ერთის შეძენაზე.
14:15. ოფიციალურად! "ალკმაარმა" რიკარდო ვან რეინი ერთწლიანი იჯარით აიყვანა "ბრიუგედან".
14:18. "ბარსელონა" მოელაპარაკა "ტორინოს" მუნირ ელ-ჰადადის გადასვლაზე. ამ შემთხვევაშიც, გარიგების ფორმა იჯარაა.
14:27. ოფიციალურად! აიმენ აბდენური ოფიციალურად წარადგინეს "მარსელში". "ვალენსიას" მცველი საფრანგეთში ერთწლიანი იჯარით გადავიდა.
14:45. "ლივერპულის" ბოსები საფრანგეთში ჩაფრინდნენ. როგორც Daily Mail-ი წერს, ინგლისელები "მონაკოს" შეხვდებიან ტომას ლემარის 90 მილიონად გადასვლის თაობაზე.
14:48. "ჩელსი" მოელაპარაკა "სუონსის" ფერნანდო ლორენტეს ტრანსფერზე. ესპანელი "ლურჯებში" 18 მილიონ ევროდ გადადის.
15:01. ოფიციალურად! "ნიცამ" გაიფორმა "ბარსელონას" ფორვარდი მარლონი. იჯარა ძალაში იქნება 2018-19 წლების სეზონის ბოლომდე.
15:19. ოფიციალურად! კირან გიბსი "არსენალიდან" "ვესტ ბრომვიჩში" გადავიდა 7.5 მილიონ ევროდ. მცველმა ახალ კლუბთან ოთხწლიანი კონტრაქტი გააფორმა.
15:25. სერჟ ორიემ მიიღო ინგლისში მუშაობის უფლება და ახლა მის გადასვლას "ტოტენჰემში" წინ არაფერი უდგას.
15:45. "ინტერისა" და "რომას" ყოფილი მცველი ნიკოლას ბურდისო "ტორინოში" გადავა. ტურინელები 36 წლის ვეტერანთან 1+1 სქემით გააფორმებენ კონტრაქტს. ამჟამად, ბურდისო თავისუფალი აგენტია "ჯენოადან" წასვლის შემდეგ.
15:59. "ევერტონი" და "ჩელსი" მოლაპარაკებებს აწარმოებენ როს ბარკლისთან დაკავშირებით. ლივერპულელებს სურთ 37 მილიონი ევრო, ლონდონელები ათით ნაკლებს იხდიან, - წერს Liverpool Echo.
16:05. "ბილდის" ინფორმაციით, "ჩელსიმ" "ბაიერნს" მიმართა რაფინიას ტრანსფერზე.
16:17. "ლესტერის" ფორვარდი აჰმედ მუსა მალე "ჰალს" შეუერთდება. Daily Mail-ი წერს, რომ ლეონიდ სლუცკის გუნდი ასრულებს ნიგერიელზე მოლაპარაკებებს "ლესტერთან".
16:27. "ლესტერი" დაბლოკავს ყველა წინადადებას, რომელსაც ჯეიმი ვარდის თაობაზე მიიღებს. Daily Mirror-ის ცნობით, ფორვარდზე "ევერტონი" და "ჩელსი" აცხადებენ პრეტენზიას.
16:51. იან ობლაკმა უარყო "პარი სენ-ჟერმენში" გადასვლის ჭორები. "მე "ატლეტიკოს" მოთამაშე ვარ და ასე იქნება ამ სეზონის ბოლომდე", - თქვა სლოვაკმა მეკარემ.
17:04. დივოკ ორიჯი, შესაძლოა, "ტოტენჰემში" გადავიდეს. The Evening Standard-მა ფეხბურთელის მამაზე დაყრდნობით დაწერა, რომ ლონდონური კლუბი დაინტერესებულია ბელგიელი ფორვარდით.
17:25. "სპარტაკში" გადასვლა არავის სურს. რამდენიმე ჩაშლილი ტრანსფერის შემდეგ "რომამ" უარყო რუსეთის ჩემპიონის წინადადება ელ შაარავისთან დაკავშირებით. რუსები ფორვარდში 15 მილიონ ევროს იხდიდნენ.
18:30. "ატლეტიკო" მოელაპარაკა "ჩელსის" დიეგო კოშტას ტრანსფერზე. თანხა 43 მილიონ ევროს შეადგენს, რასაც ბონუსების სახით 11 მილიონი დაემატება. AS წერს, რომ იანვრამდე ფორვარდი იჯარით "ევერტონში", "ბეშიქთაშში" ან "ლას პალმასში" ითამაშებს.
18:34. "პარი სენ-ჟერმენი" მალე გამოაცხადებს კილიან მბაპეს ტრანსფერის შესახებ. ფორვარდი პარიზელებში იჯარით გადავა და შემდეგ იქნება სავალდებულო გამოსყიდვა 180 მილიონ ევროდ. Get French Football News-მა გაარკვია, რომ ეს პუნქტი აღარ იქნება სავალდებულო, თუ პსჟ სეზონის ბოლოს ლიგა 2-ში გავარდება.
18:52. "ჰოფენჰაიმი", "შალკე", "ვალენსია", "სევილია" და "სპარტაკი" არიან დაინტერესებულნი "ატალანტას" მცველ რაფაელ ტოლოით. ბერგამოულ კლუბს 26 წლის ფეხბურთელში 15 მილიონი ევრო სურს.
19:02. ოფიციალურად! "ტოტენჰემმა" "ესტუდიანტესიდან" 9 მილიონ ევროდ შეიძინა ხუან ფოიტი.
19:03. Football Transfer-მა გამოაქვეყნა ამ ზაფხულს TOP5-ში შემავალი ლიგების დანახარჯები:
ბუნდესლიგა - 480 მილიონი ფუნტი
ლა ლიგა - 500 მილიონი ფუნტი
ლიგა 1 - 580 მილიონი ფუნტი
სერია A - 715 მილიონი ფუნტი
პრემიერლიგა - 1.3 მილიარდი ფუნტი
19:23. უილფრიდ ბონის ერთი ნაბიჯი აკლია "სუონსიში" დასაბრუნებლად. "სიტის" ფორვარდი 15 მილიონ ევროდ გადავა უელსურ კლუბში, - წერს Daily Mirror-ი. 2015 წელს, მანჩესტერულმა კლუბმა ორჯერ უფრო ძვირად შეიძინა ფეხბურთელი.
19:35. "მანჩესტერ იუნაიტედმა" გადაიფიქრა რიად მაჰრეზის ტრანსფერი. ჟოზე მოურინიოს გუნდს არ მოეწონა "ლესტერის" დაწესებული ფასი - 40 მილიონი ევრო.
19:47. "ლივერპულს" აქვს 140 მილიონი, რომელსაც დახარჯავს სატრანსფერო ფანჯრის დახურვამდე. The Telegraph-ი წერს, რომ მთელი ფული წავა ვან დეიკის, ოქსლეიდ-ჩემბერლენისა და ლემარის შეძენაზე.
19:54. "სუონსი" იჯარით აიყვანს რენატო სანჩესს "ბაიერნიდან", - იტყობინება Sky Sports-ი.
20:07. "ნაპოლის" ფორვარდი ლეონარდო პავოლეტი "კალიარიში" გადავიდა. 28 წლის ფორვარდი ახალ გუნდში იჯარით გადავიდა. შარშან "ნაპოლიმ" თავდამსხმელი 18 მილიონ ევროდ შეიძინა "ჯენოადან".
21:01. ოფიციალურად! ბენედიკტ ჰიოვედესი "იუვენტუსშია". გერმანელის იჯარა 2017-18 წლების სეზონის ბოლომდე გაგრძელდება. ამისთვის "შალკე" 3.5 მილიონ ევროს მიიღებს. ტურინელებს ექნებათ მცველის გამოსყიდვის უფლება, ხოლო თუ ჰიოვედესი 2017-18 წლების სეზონში მინიმუმ 25 მატჩს ჩაატარებს, "იუვენტუსი" ვალდებული იქნება, შეიძინოს ფეხბურთელი.
21:02. "ლივერპულმა" შეთანხმა "არსენალთან" 43 მილიონ ევროდ ოქსლეიდ-ჩემბერლენის ტრანსფერი. ამის შესახებ BBC წერს.
21:22. გერმანიის ნაკრების მთავარმა მწვრთნელმა იოახიმ ლიოვმა უარყო ჭორებს იულიან დრაქსლერის "პარი სენ-ჟერმენიდან" წასვლის შესახებ.
21:43. ოფიციალურად! "ბრიუგემ" ერთი სეზონით იჯარით აიყვანა ჯორდი კლასი.
21:52. ოქსლეიდ-ჩემბერლენის გაყიდვის შემდეგ "არსენალი" მის სანაცვლოდ არავის შეიძენს. BBC-ის ინფორმაციით, "მეთოფეებს" მსხვილი ტრანსფერებისთვის ფული არ დარჩათ.
ყოველდღიური სპორტული გაზეთი "ლელო"
