მიუნხენის "ბაიერნის“ კოლუმბიელი ნახევარმცველი ხამეს როდრიგესი მეუღლეს, 24 წლის დანიელა ოსპინას გაშორდა, რომელთან ერთადაც ექვსი წელი იცხოვრა და ერთი საერთო ქალიშვილი ყავთ. გეცოდინებათ, დანიელა ლონდონის "არსენალის“ კიპერის დავიდ ოსპინას დაა და ადრე თავისი ქვეყნის ფრენბურთელთა ნაკრებში თამაშობდა.დანიელა ამბობს, რომ ერთმანეთზე ნაწყენები არ არიან, მეგობრებად დარჩნენ, გაშორების მიზეზი კი ის არის, რომ გერმანიაში არ სურდა გადაბარგება. თუმცა, როგორც ამტკიცებენ, ხამესს რომანი აქვს მოდელ ჰელგა ლავკატისთან და ოჯახის დანგრევის ნამდვილი მიზეზი ესაა.
