უკრაინის ნაკრების ნახევარმცველი ანდრეი იარმოლენკო 11 სეზონი იცავდა კიევის "დინამოს" ღირსებას, ახლა კი "ვესტ ჰემში" თამაშობს. მას "დინამოს" მედიასთან ურთიერთობის დეპარტამენტის დირექტორმა ნიკოლაი ნესენიუკმა ღია წერილით მიმართა. "სასიამოვნოდ გამაკვირვა "ევერტონთან" ნამატჩევს მიცემულმა შენმა ინტერვიუმ - მოკლედ, არსებითად ინგლისურად.
ყოველთვის მჯეროდა შენი. მოკლედ, ყოჩაღ. ნორმალური, წესიერი ბიჭი ხარ, რომელმაც ყველაფერს შენი ნიჭითა და შრომით მიაღწიე.
ამასთან, ჭკვიანიც ხარ და ესეც ვიცი. შენ გესმის, რომ ინგლისში ფეხბურთელი არამარტო უნდა თამაშობდეს, არამედ საუბრობდეს. ეს აუცილებლობაა. უტყვებს პატივს არ სცემენ.
ისიც იცი, რომ ინგლისში
კიდევ ვიცი, რომ უკრაინის ჭეშმარიტი პატრიოტი ხარ. სამაგალითო ხარ ბავშვებისა და ახალგაზრდებისთვის. მაშ, რატომ ელაპარაკები უკრაინელ ჟურნალისტებს რუსულად? რატომ არ ესაუბრები მშობლიურ ენაზე, რომელიც მშვენივრად იცი?
შესაძლოა, ბავშვობაში ბიჭებმა გითხრეს, რომ უკრაინულად მეტყველება სირცხვილია? თუმცა, შენ ხომ ზრდასრული ადამიანი ხარ და იცი, რომ ეს ასე არაა.
შენ ამბობ - "დიდება უკრაინას" და ჰიმნს მშობლიურ ენაზე მღერი. ასე გააგრძელე. ვფიქრობ, ეს შენ დროულად, უბრალოდ, არავინ არ გიკარნახა. ჰოდა, მე გკარნახობ.
ბრიტანელ ჟურნალისტებს ინგლისურად ელაპარაკე, ჩვენებურებს კი - უკრაინულად. ეს ხომ ასეთი მარტივი და ბუნებრივია. ეს ჩვენ კი არა, შენ გჭირდება, შენს შვილებს ივანსა და დანილს, რომლებიც ჩვენს შემდეგ ძლიერ და აყვავებულ უკრაინაში იცხოვრებენ".
უკრაინის ნაკრების ფორმას რუსეთთან ბრძოლის დევიზი დაამშვენებს - "დიდება უკრაინას!"
