ოქტომბერში "ჯამშედპურის" ფეხბურთელი გურავ მუკჰი ინდოეთის სუპერლიგაზე "ბენგალურუსთან" მატჩისას შეცვლაზე შევიდა და ანგარიში გაათანაბრა. ის ტურნირზე გოლის გამტან ყველაზე ახალგაზრდა ფეხბურთელად გამოაცხადეს - "ბიჭი" გურავის სუპერლიგის საიტზე უწერია, რომ 16 წლისაა.
მას გოლის გატანა თანაგუნდელმა ტიმ კეიჰილმა მიულოცა:"ეს ჩემს ცხოვრებაში საუკეთესო მომენტია".
თუმცა, შემდეგ გაირკვა, რომ მუკჰი 28 წლისაა.
ამისათვის ის 6-თვიანი დისკვალიფიკაციით დასაჯეს, მის კლუბს კი იმ შეხვედრაში ტექნიკური დამარცხებაც არ ჩაუთვალეს.
ინდოეთში ფეხბურთელების მიერ ასაკის გადაკეთება ჩვეულებრივი ამბავია - 2012 წელს 17-წლამდელთა ნაკრებში კანდიდატთა 72%-ს ასაკი გადაკეთებული ჰქონია.