"მანჩესტრიდან" დათხოვნილი მწვრთნელი ჟოზე მოურინიო უქმადაა და მოცალეობის ჟამს მოსკოვის ოლქში ამოყო თავი, სადაც ჰოკეის მატჩზე დაპატიჟეს და გვარიანი თანხაც გადაუხადეს.
ის რუსეთის ჩემპიონატზე "ავანგარდისა" და სკა-ს მატჩის წინ მივიდა ბალაშიხის სპორტის სასახლეში, თამაშის პროგრამებს ხელი მოაწერა, იპოზიორა, ჰოკეისტებს გაესაუბრა და ვარჯიშს დაესწრო.
საღამოს კი შეხვედრის დაწყების წინ ყინულზე დაგებულ წითელ ხალიჩაზე გავიდა, შაიბა სიმბოლურად ჩააგდო, გამოტრიალებისას კი ფეხი დაუცურდა და ზღართანი მოადინა.
რუსები ხუმრობენ, იმედია ჩვენმა პორტუგალიელმა უკანალი არ იტკინაო...
ჟოზე მოურინიომ გაამხილა, როგორ იმალებოდა გასახდელში ჭუჭყიანი თეთრეულის ყუთში
