შოტლანდიის ჩემპიონატის 29-ე ტურში, "ჰიბერნიანსა" და "რეინჯერსს" (1:1) შორის უსიამოვნო ინციდენტი მოხდა.
"რეინჯერსის" მცველსა და კაპიტანს, ჯეიმს ტავერნიეს მეტოქე გუნდის ფანი პირდაპირ მოედანზე მიუვარდა.
ტავერნიე ბურთისკენ მიემართებოდა, რომელიც გვერდითი ხაზის მიღმა იყო. უეცრად ტრიბუნებიდან ფანი გამოვარდა, ბურთს ფეხი მიარტყა და მცველს ხელი ჰკრა. ჯეიმსი ვალში არ დარჩენილა და ფეხბურთელსა და ფანს შორის გაწევ-გამოწევა გაიმართა.
სტიუარდებმა მალევე შეძლეს ფანის დაკავება და მოედნიდან გაყვანა.
"ჰიბერნიანის" აღმასრულებელმა დირექტორმა ლინ დემპსტერმა პირობა დადო, რომ ხულიგანს მკაცრად დასჯიან. მისი თქმით, ყველა ხულიგანს, რომელიც საფრთხეს შეუქმნის ფეხბურთელებს, კლუბის თანამშრომლებს ან სხვა ფანებს, "ჰიბერნიანის" სტადიონზე შესვლა აეკრძალება ან შესაბამისი სამართლებრივი ნორმებიდან გამომდინარე დაისჯება.
ამ დროისთვის "რეინჯერსი" 59 ქულით შოტლანდიის პრემიერლიგაში მეორე ადგილს იკავებს. ლიდერი კი "სელტიკია", რომელსაც 66 ქულა და ერთი მატჩით ნაკლები აქვს. "ჰიბერნიანს" 42 ქულა აქვს და მე-6 ადგილზეა.
![გოლების წვიმა და ჩხუბი მატჩის შემდეგ - "ოლდ ფირმის" დერბმა ყველანაირ მოლოდინს გადააჭარბა [VIDEO]](/pictures/image7/d922858940dc718dfeb43875471b2260.png "გოლების წვიმა და ჩხუბი მატჩის შემდეგ - \"ოლდ ფირმის\" დერბმა ყველანაირ მოლოდინს გადააჭარბა [VIDEO]")
![ჩემპიონთა ლიგა. VI ტური: "ტოტენჰემი" პლეი-ოფის "მატარებელს შეახტა" - 16-დან 14 მერვედფინალისტი ცნობილია [VIDEO]](/pictures/image7/fe4b81a48918dd1ae437c23c6a4c5953.jpg "ჩემპიონთა ლიგა. VI ტური: \"ტოტენჰემი\" პლეი-ოფის \"მატარებელს შეახტა\" - 16-დან 14 მერვედფინალისტი ცნობილია [VIDEO]")
