29 ივნისს, კოპა ამერიკას მეოთხედფინალში პერუს ნაკრებმა პენალტების სერიაში ურუგვაის სძლია.
მატჩის ძირითადი დრო უგოლოდ დასრულდა, თერთმეტმეტრიანების სერიაში კი პერუმ 5:4 იმარჯვა.
აღსანიშნავია, რომ კავანიმ სამიოდ მეტრიდნ ააცილა ბურთი კარს, შემდეგ ურუგვაის სამი გოლი მსაჯმა ჩაუთვალა, ვიდეოგამეორების ნახვის შემდეგ კი თამაშგარეს გამო გაუუქმა: ნანდესს (29-ე წუთზე), კავანის (59) და სუარესს (73).
პენალტების სერიაში პირველივე დარტყმა სუარესმა გააცუდა. მან ბოლოს თერთმეტრიანი 2016 წლის ნოემბერში ვერ გამოიყენა და მას მერე 15 პენალტი გაიტანა.
4 ივლისს, ნახევარფინალში, პორტუ ალეგრიში პერუ ჩილეს შეხვდება.
მეორე ნახევარფინალში, რომელიც 3 ივლისს ბელუ ორიზინტეში გაიმართება, ერთმანეთს ბრაზილია და არგენტინა დაუპირისპირდებიან.
სალვადორი. "ფონტე ნოვა"
ურუგვაი - პერუ 0:0 (4:5)
ურუგვაი: მუსლერა, კასერესი, გოდინი, გონსალესი, ხიმენესი, ნანდესი (ტორეირა 57), დე არასკაეტა, ბენტანკური, ვალვერდე (სტუანი 90+7), სუარესი, კავანი
პერუ: გალესე, ტრაუკო, ადვინკულა, სამბრანო, აბრამი, იოტუნი, ფლორესი, კუევა (რუიდიაზი 85), კარილიო (გონსალესი 75), ტაპია, გერერო
![კაცნაკლულმა ურუგვაიმ ბრაზილიას სძლია და კოპას 1/2-ფინალში გავიდა [VIDEO]](/pictures/image7/93ad53d58eb02f0e63f8bcc8adbd45cb.jpg "კაცნაკლულმა ურუგვაიმ ბრაზილიას სძლია და კოპას 1/2-ფინალში გავიდა [VIDEO]")
![ისევ დრამა - უმოტივაციო პორტუგალიამ წააგო, სამხრეთ კორეა გავიდა, ურუგვაი კი ჯგუფში ჩარჩა [VIDEO]](/pictures/image7/53ff8e82e9be302f4586f6aca46a5d82.png "ისევ დრამა - უმოტივაციო პორტუგალიამ წააგო, სამხრეთ კორეა გავიდა, ურუგვაი კი ჯგუფში ჩარჩა [VIDEO]")
![პორტუგალიამ ურუგვაის მოუგო და მერვედფინალშია - პირველი გოლი რონალდომ გაიტანა თუ ბრუნომ? [VIDEO]](/pictures/image7/610ddf5704a92fca55b90b98c16e1abb.jpg "პორტუგალიამ ურუგვაის მოუგო და მერვედფინალშია - პირველი გოლი რონალდომ გაიტანა თუ ბრუნომ? [VIDEO]")
![მომენტი, რომელიც გულგრილს არავის დაგტოვებთ - ურუგვაის თავისი გმირი ჰყავს [VIDEO]](/pictures/image7/1f4a200ec2b8143e4a2f43fc0bcce4ac.jpg "მომენტი, რომელიც გულგრილს არავის დაგტოვებთ - ურუგვაის თავისი გმირი ჰყავს [VIDEO]")
