"ბარსელონას" თავდამსხმელმა ლიონელ მესიმ შესაძლოა, ხანგრძლივი დისკვალიფიკაცია მიიღოს, რომელიც მის ეროვნულ ნაკრებში თამაშს შეეხება.
სამხრეთამერიკული ფეხბურთის კონფედერაცია განიხილავს დისკვალიფიკაციის ვარიანტებს და ალტერნატივები 2-დან 6 თვემდე მერყეობს. ეს, ფაქტობრივად, ნიშნავს, რომ წელს ლიონელ მესი ნაკრების შემადგენლობაში ვეღარ ითამაშებს.
სავარაუდო სასჯელი დაკავშირებულია არგენტინის ნაკრების კაპიტნის გამონათქვამებთან კოპა ამერიკის შესახებ. არგენტინის ნაკრებმა მესამე ადგილი დაიკავა, მესი კი დაჯილდოების ცერემონიას არ დაესწრო და განაცხადა, რომ არგენტინელებს ფინალში გასვლის უფლება კორუფციამ და მსაჯებმა არ მისცეს.
თუმცა კარგი ის გახლავთ, რომ არგენტინის ნაკრებს წლის დარჩენილ მონაკვეთში
მხოლოდ ამხანაგური შეხვედრები აქვს დაგეგმილი. სექტემბერში ისინი მექსიკასა და ჩილეს ეთამაშებიან.
ოქტომბერში კი - გერმანიისა და ბასკეთის ნაკრებებს. ნოემბერში არგენტინის ნაკრები საუდის არაბეთში ორ შეხვედრას გამართავს. პირველში მასპინძელ გუნდს შეხვდება, მეორეში კი - ბრაზილიას.
CONMEBOL-მა ლიონელ მესი დასაჯა
"ბარსელონა" ლეო მესის კონტრაქტის 2023 წლამდე გაგრძელებას შესთავაზებს - ვადის ბოლოს ის 36 წლის იქნება
!["სპორტის ისტორიაში ერთ-ერთ უდიდეს ლეგენდასთან ერთად" - ილია თოფურია ლიონელ მესისა და მაიამის "ინტერის" სხვა ვარსკვლავებს შეხვდა [PHOTOS]](/pictures/image7/258f21279919bb3cf4053911e9d2a5bf.png "\"სპორტის ისტორიაში ერთ-ერთ უდიდეს ლეგენდასთან ერთად\" - ილია თოფურია ლიონელ მესისა და მაიამის \"ინტერის\" სხვა ვარსკვლავებს შეხვდა [PHOTOS]")
