უეფას ყოფილმა პრეზიდენტმა მიშელ პლატინიმ განაცხადა, რომ აპირებს საფეხბურთო საქმიანობას დაუბრუნდეს.
ფრანგი საფეხბურთო საქმიანობას 2019 წლის 7 ოქტომბრამდე ჩამოაშორეს.
"მე დავბრუნდები. არ ვიცი, სად და როგორ. ყოველთვის არ ვიქნები დისკვალიფიცირებული, მიუხედავად იმისა, რომ საქმიანობას იდიოტებმა ჩამომაშორეს.
ფიფას შეთქმულებისა და შვეიცარიის პროკურატურის მსხვერპლი გავხდი. მათ შორის შეთანხმება იყო, რომლის მიზანი ჩემი მოშორება იყო, მაგრამ შვეიცარიის მთავრობა არ ვადანაშაულებ", - თქვა პლატინიმ RTS-თან ინტერვიუში.
გარდა ამისა პლატინიმ განაცხადა, რომ წიგნს დაწერს, სადაც საკუთარი ცხოვრების ბოლო 20 წელზე ექნება საუბარი და "ყველა სიმართლეს იტყვის".
მიშელ პლატინი "ყატარის საქმეზე" დააკავეს
