კორონივარუსის გამო ბელგიამ ჩემპიონატის ვადამდე დასრულების გადაწყვეტილება მიიღო, ოქროს მედლები პირველ ადგილზე მყოფ "ბრიუგეს" უნდა გადაეცეს, მეორეადგილოსან "გენტს" კი - ვერცხლის მედლები. ამას გარდა, "გენტი", რომლის ღირსებასაც გიორგი ჩაკვეტაძე და გიორგი ქვილითაია იცავენ, ჩემპიონთა ლიგის გათამაშებაში საკვალიფიკაციო ეტაპიდან უნდა ჩაერთოს. თუმცა, შესაძლოა, ბელგიას ევროტურნირებზე მონაწილეობა საერთოდ აუკრძალონ.
საქმე ისაა, რომ უეფა იმ ქვეყნებს, რომლებიც ჩემპიონატებს არ განაახლებენ, მოკვეთით დაემუქრა. აი, რა განაცხადა მისმა პრეზიდენტმა ალეკსანდერ ჩეფერინმა:
"ეს სწორი მიმართულება არ არის. სოლიდარობა ცალმხრივი მოძრაობის ქუჩა არ არის. არ შეიძლება დახმარება
ითხოვო, შემდეგ კი მიიღო გადაწყვეტილება, რომელიც შენ გაწყობს.
ბელგია და ის ლიგები, რომლებიც სეზონის განახლებას არ მოისურვებენ, შეიძლება ევროტურნირების გარეშე დარჩნენ", - განუცხადა ჩეფერინმა Goal.com-ს.
![alt](/pictures/image50/03f83993d2d98b9a05099822d7d42686.jpg ""გენტს" ევროტურნირებიდან მოკვეთა ემუქრება")
უეფა ეროვნული ჩემპიონატების დასრულებას მოითხოვს, წინააღმდეგ შემთხვევაში..
![ქართველების "აპოელი" "გენტთან" დამარცხდა [VIDEO]](/pictures/image7/08fe57b00994e1563edcb60675f15462.jpg "ქართველების \"აპოელი\" \"გენტთან\" დამარცხდა [VIDEO]")
