როგორც Sportsnet-ი იტყობინება, მსოფლიო ფეხბურთის მმართველი ორგანო წესებში ცვლილებებს გეგმავს, რომლის თანახმადაც, ფეხბურთელს ერთ ნაკრებში თამაშის შემდეგ მეორე ქვეყნის სახელით გამოსვლის უფლებაც ექნება.
ახალი წესებით, ფეხბურთელს მეორე ნაკრებში თამაშის უფლება იმ შემთხვევაში ექნება, თუ პირველი ქვეყნის ეროვნულ გუნდში 3 ოფიციალურ მატჩზე მეტს არ ჩაატარებს.
ამასთანავე, საფეხბურთო მოქალაქეობას ვერ შეიცვლის ის მოთამაშე, რომელიც მონაწილეობას მიიღებს მსოფლიო თასზე ან რომელიმე კონფედერაციის მიერ ჩატარებულ ფინალურ ტურნირზე. ფიფაში ასევე განიხილავენ პირველ ნაკრებში დაბრუნების საკითხს, იმ შემთხვევაში, თუ ფეხბურთელი მეორე ეროვნულ გუნდში ოფიციალურ შეხვედრას არ ჩაატარებს.
ფიფას მოქმედ პრეზიდენტს პატიმრობა ემუქრება
ნოდარ ახალკაცი ფიფას ევროპის ასოციაციების ხელმძღვანელის პოსტს დაიკავებს
