Sport Italia-ს ჟურნალისტ ჯანლუიჯი ლონგარის ინფორმაციით, საფეხბურთო კლუბ "როსტოვის" უზბეკი ფორვარდი ელდორ შომორუდოვი კარიერას სერია A-ში განაგრძობს.
უზბეკეთის ნაკრების 25 წლის თავდამსხმელი, დიდი ალბათობით, მალე "ჯენოას" შეუერთდება და იტალიელები მის სანაცვლოდ 8 მილიონ ევროსაც გადაიხდიან.
შომორუდოვმა კარიერა, ალბათ, ქართველი გულშემატკივრისთვის უცნობ კლუბ "მაშალ მუბარექში" დაიწყო. 2015-17 წლებში ის "ბუნიოდკორის" რიგებში თამაშობდა, ხოლო 2017 წლიდან "როსტოვის" ღირსებას იცავს.
გასულ სეზონში უზბეკმა რუსეთის პრემიერლიგაში 28 მატჩი ჩაატარა და 11 გოლი გაიტანა. 10 გოლი შომორუდოვმა საწყის
12 ტურში შეაგდო, დარჩენილ 16 მატჩში მხოლოდ 1 გოლი გაიტანა. თავი წლევანდელ სეზონში არ გამოუჩენია, თუმცა სერია A-ში მაინც ითამაშებს.
მომზადებულია sports-ის მიხედვით
უზბეკი ფეხბურთელი: ამიტომ არ ჩამოვართვი ხელი შოთა არველაძეს, შემდეგ კი...
