რუსეთის ფეხბურთის ფედერაციის სამსაჯო კომიტეტმა რეგლამენტში ცვლილება შეიტანა და მთავარ მსაჯებს, ასისტენტებს, სარეზერვო მსაჯებს, ინსპექტორებს, "ვარ-ის" არბიტრებს თამაშის წინ საჯარო ადგილებში ალკოჰოლის მიღება აუკრძალა.
რუსებმა რამდენიმე ცვლილება შემოიღეს. მსაჯებს კლუბების ოფიციალურ წარმომადგენლებთან შეხვედრა აუკრძალეს. ასევე, მკაცრად მოსთხოვეს, სამსაჯო ოთახში არავითარ შემთხვევაში არ შეუშვან უცხო პირები. ასევე, თამაშის წინ დღით, თამაშის დღესა და თამაშის მომდევნო დღეს კლუბების წარმომადგენლებთან დროის ტარება აუკრძალეს!
მთავარი, მეხუთე პუნქტი კი ყველაზე მკაცრია, რომლის დარღვევის შემთხვევაშიც სასჯელიც უმკაცრესი იქნება: მსაჯებს თამაშის წინ დღით, თამაშის დღესა და თამაშის
მომდევნო დღეს საჯარო ადგილებში, მათ შორის ბარებსა და რესტორნებში, ალკოჰოლის მიღება აეკრძალათ.
ამ ცვლილებათა მიზეზი რუსეთის პრემიერგლიგის მე-18 ტურში მომხდარი ინციდენტი იყო, როცა "სპარტაკი" მსაჯთა მოქმედებით უკმაყოფილო დარჩა, ხოლო მომდევნო დღეს გამოქვეყნდა ვიდეო კადრები, როგორ ქეიფობდნენ მსაჯები ერთერთ რესტორანში მოსკოველთან მეტოქის წარმომადგენელთან ერთად.
